പത്തനംതിട്ട: പത്തനംതിട്ടയിൽ സ്വകാര്യ ബസ് മറിഞ്ഞ് അപകടം. പത്തിലേറെ പേർക്ക് പരിക്കേറ്റു. അടൂർ പഴകുളത്ത് ആണ് അപകടമുണ്ടായത്. പരിക്കേറ്റവരിൽ രണ്ടുപേരുടെ നില ഗുരുതരമാണെന്നാണ് വിവരം.(Private bus accident in pathanamthitta)
ഇന്ന് വൈകിട്ട് അഞ്ച് മണിയോടെയാണ് സംഭവം. അടൂരിൽ നിന്ന് കായംകുളത്തേക്ക് പോയ ബസാണ് അപകടത്തിൽപ്പെട്ടത് .ബസ് സമീപത്തെ പോസ്റ്റിലിടിച്ച ശേഷം മറിയുകയായിരുന്നു. ബസിൽ നിറയെ യാത്രക്കാരുണ്ടായിരുന്നുവെന്നാണ് വിവരം. നാട്ടുകാർ അടക്കമുള്ളവർ ചേർന്നാണ് ഇവരെ രക്ഷപ്പെടുത്തിയത്.
പരിക്കേറ്റവരെ അടൂരിലെ താലൂക്ക് ആശുപത്രിയിലും സ്വകാര്യ ആശുപത്രിയിലും പ്രവേശിപ്പിച്ചിരിക്കുകയാണ്. ഗുരുതരമായി പരിക്കേറ്റവരെ ആവശ്യമെങ്കിൽ തിരുവനന്തപുരം മെഡിക്കൽ കോളേജിലേക്ക് മാറ്റുമെന്ന് ആശുപത്രി അധികൃതർ അറിയിച്ചു.
