മലപ്പുറം: പോക്സോ കേസ് അതിജീവിതയെ തിരിച്ചറിയാൻ കഴിയുന്ന തരത്തിലുള്ള വിവരങ്ങൾ വെളിപ്പെടുത്തിയ കേസിൽ മലപ്പുറത്ത് യുവാവ് പിടിയിൽ. പുത്തൂർ പാറക്കോരി സ്വദേശി ജാസിർ (35)ആണ് പോലീസ് പിടിയിലായിരിക്കുന്നത്.
അതിജീവിതയെ തിരിച്ചറിയാൻ കഴിയുന്ന വിവരങ്ങൾ ഉൾപ്പെട്ട ശബ്ദസന്ദേശം സാമൂഹ മാധ്യമത്തിൽ പങ്കുവെച്ചതിനാണ് കേസ്. പോക്സോ അടക്കമുള്ള വകുപ്പുകൾ ചുമത്തിയാണ് യുവാവിനെതിരെ കേസെടുത്തിരിക്കുന്നത്.
ഇൻസ്റ്റാഗ്രാമിലൂടെ പരിചയപ്പെട്ട പെൺകുട്ടിയെ പ്രണയം നടിച്ച്, ഭക്ഷണത്തിൽ എംഡിഎംഎ കലർത്തി പീഡിപ്പിച്ച സംഭവത്തിൽ ഇയാൾക്കെതിരെ പരാതിയുണ്ട്. ഈ കേസിലെ അതിജീവിതയുടെ മൊഴി അടിസ്ഥാനമാക്കിയാണ് യുവാവിനെതിരെ കേസെടുത്തിരിക്കുന്നതെന്ന് പോലീസ് അറിയിച്ചു.
‘പുലയർക്ക് പാടത്ത് പണിക്ക് പോയാൽ പോരെ’, ജില്ലാ ജയിലിൽ ഗുരുതര ജാതി അധിക്ഷേപം; ഡോക്ടർക്കെതിരെ കേസ്
കൊച്ചി: എറണാകുളം കാക്കനാട് ജില്ലാ ജയിലിൽ ഗുരുതരമായ ജാതി അധിക്ഷേപം ഉണ്ടായെന്ന് പരാതി. സംഭവത്തെ തുടർന്ന് ജില്ലാ ജയിലിലെ ഫാർമസിസ്ററ് നൽകിയ പരാതിയെ അടിസ്ഥാനമാക്കി ഡോക്ടർക്കെതിരെ പോലീസ് കേസെടുത്തു. ഫാർമസിസ്റ്റായ വി.സി ദീപ നൽകിയ പരാതിയിന്മേൽ ഡോക്ടർ ബെൽനാ മാർഗ്രറ്റിനെതിരെയാണ് കേസെടുത്തിരിക്കുന്നത്.
പുലയർക്ക് പാടത്ത് പണിക്ക് പോയാൽ പോരെ എന്നു പറഞ്ഞ് തന്നെ ആക്ഷേപിച്ചുവെന്നാണ് ഫാർമസിസ്റ്റായ യുവതി നൽകിയ പരാതിയിൽ പറയുന്നത്.
മാത്രമല്ല, വണ്ടിയിടിച്ച് തന്നെ കൊലപ്പെടുത്തുമെന്ന് ഭീഷണിപ്പെടുത്തിയതായും, പ്രതി ഉപയോഗിച്ച ശുചിമുറി കഴുകിച്ചുവെന്നും പരാതിയിൽ ആരോപിക്കുന്നുണ്ട്.
യുവതി നൽകിയ പരാതിയിൽ കേസെടുത്ത കൊച്ചി സിറ്റി പോലീസ്, ഡോക്ടർക്കെതിരെ അന്വേഷണം ആരംഭിച്ചിട്ടുണ്ട്. ഈ വിഷയവുമായി ബന്ധപ്പെട്ട് പോലീസിൽ മാത്രമല്ല മുഖ്യമന്ത്രിക്കും ദീപ പരാതി നൽകിയിട്ടുണ്ട്.
