ലൈറ്റ്, മീഡിയം, സ്ട്രോങ്…വാരാണസി യാത്രയ്ക്കിടെ ‘ബാബ തണ്ടായി’ കുടിച്ച അനുഭവം പങ്കുവെച്ച് നടി പാർവതി കൃഷ്ണ
വാരാണസിയിൽ ഭാംഗ് പരീക്ഷിക്കണമെന്ന ആഗ്രഹമുള്ളവർ ഒന്ന് ശ്രദ്ധിക്കണം. വാരാണസി യാത്രയ്ക്കിടെ ‘ബാബ തണ്ടായി’ കുടിച്ച അനുഭവം നടി പാർവതി കൃഷ്ണ സോഷ്യൽ മീഡിയയിലൂടെ പങ്കുവച്ചിരിക്കുകയാണ്. ആദ്യമായാണ് താരം ഭാംഗ് ചേർന്ന പാനീയം കഴിക്കുന്നത്.
ഇൻസ്റ്റഗ്രാം വീഡിയോയിൽ പാർവതി പറയുന്നത് ഇങ്ങനെ: “ലൈറ്റ്, മീഡിയം, സ്ട്രോങ് എന്നിങ്ങനെ അവർ ചോദിക്കും. ഞങ്ങൾ മീഡിയം ആണ് ട്രൈ ചെയ്തത്. പക്ഷേ സത്യം പറഞ്ഞാൽ കയ്യീന്ന് പോയിരുന്നു.
അതുകൊണ്ടുതന്നെ കഴിച്ച ഉടനെ റൂമിൽ എത്താൻ ശ്രദ്ധിച്ചു. കാശിയിൽ കറങ്ങി നടന്നിട്ട് റൂമിൽ എത്താൻ പറ്റാതെ പോയ നിരവധി കഥകൾ ഞങ്ങൾ കേട്ടിട്ടുണ്ട്.”
വാരാണസിയുടെ ആത്മീയ–സാംസ്കാരിക പാരമ്പര്യത്തിന്റെ ഭാഗമാണ് ബാബ തണ്ടായി.
പാൽ, ബദാം, കശുവണ്ടി, ഏലക്ക, കുങ്കുമപ്പൂവ്, റോസാദളങ്ങൾ, മത്തങ്ങ വിത്തുകൾ തുടങ്ങിയവ ചേർത്ത് തയ്യാറാക്കുന്ന തണ്ടായിലേക്ക് ഭാംഗ് അഥവാ കഞ്ചാവ് ഇല അരച്ച് ചേർത്താണ് ബാബ തണ്ടായി ഉണ്ടാക്കുന്നത്.
പുരാണവിശ്വാസപ്രകാരം, ഭാംഗ് ശിവഭഗവാന്റെ പ്രസാദമായാണ് കണക്കാക്കപ്പെടുന്നത്. പാലാഴി മഥനത്തിൽ അമൃതത്തിന്റെ തുള്ളികളിൽ നിന്നാണ് കഞ്ചാവ് ചെടി ഉണ്ടായതെന്ന വിശ്വാസവും നിലനിൽക്കുന്നു.
ശിവൻ വിഷം പാനം ചെയ്തപ്പോൾ ശരീരം തണുപ്പിക്കാൻ ഭാംഗ് ഉപയോഗിച്ചുവെന്ന കഥയും പ്രചാരത്തിലുണ്ട്.
അതിനാലാണ് ശിവരാത്രി ഉൾപ്പെടെയുള്ള ആഘോഷങ്ങളിലും കാശി പോലുള്ള പുണ്യസ്ഥലങ്ങളിലും ഭാംഗ് ചേർത്ത പാനീയങ്ങൾ പ്രസാദമായി നൽകപ്പെടുന്നത്.
എന്നാൽ ബാബ തണ്ടായി പരീക്ഷിക്കുമ്പോൾ ശ്രദ്ധ വേണമെന്നും പാർവതിയുടെ അനുഭവം സൂചിപ്പിക്കുന്നു. ഇതിന്റെ ലഹരി പ്രഭാവം പ്രകടമാകാൻ ഒരു മണിക്കൂർ മുതൽ മൂന്ന് മണിക്കൂർ വരെ സമയമെടുക്കാം.
ആദ്യമായി പരീക്ഷിക്കുന്നവർ അളവ് കുറയ്ക്കുകയും, തിരക്കേറിയ ഇടങ്ങളിൽ അലയാതെ സുരക്ഷിതമായ സ്ഥലത്ത് വിശ്രമിക്കുകയുമാണ് ഉചിതമെന്ന് യാത്രക്കാർക്ക് മുന്നറിയിപ്പുണ്ട്.
English Summary
Actress Parvathy Krishna shared her experience of trying ‘Baba Thandai’, a traditional bhaang-infused drink, during her trip to Varanasi. Recalling her first encounter with the drink, she said that even opting for a “medium” version felt overwhelming, prompting her to quickly return to her hotel room. Baba Thandai, a part of Varanasi’s spiritual and cultural heritage, is associated with Lord Shiva and is commonly consumed during festivals. Parvathy’s experience has sparked conversations online, with many advising caution, especially for first-time users, as the effects of bhaang can take time to set in.
parvathy-krishna-bhaang-experience-varanasi
Parvathy Krishna, Varanasi, Bhaang, Baba Thandai, Celebrity News, Travel Experience, Indian Culture
