പാനൂർ വിഷ്ണുപ്രിയ കൊലക്കേസില് പ്രതി ശ്യാംജിത്തിന് ജീവപര്യന്തം തടവും പത്ത് വര്ഷം അധിക തടവും കോടതി ശിക്ഷ വിധിച്ചു. വീട്ടില് അതിക്രമിച്ച് കയറിയതിനു പ്രത്യേകമായാണ് പത്ത് വര്ഷം തടവ് ശിക്ഷ വിധിച്ചിരിക്കുന്നത്. പ്രതിക്ക് പരമാവധി ശിക്ഷ നല്കണമെന്നായിരുന്നു പ്രോസിക്യൂഷന് ആവശ്യം. പാനൂര് വള്ള്യായിലെ കണ്ണച്ചാകണ്ടി വീട്ടില് വിനോദിന്റെ മകള് വിഷ്ണുപ്രിയയെ (23) 2022 ഒക്ടോബർ 22 പകല് 12 മണിയോടെ വീട്ടിലെ കിടപ്പ് മുറിയില് കഴുത്തറത്ത് കൊല്ലപ്പെട്ട നിലയില് കണ്ടെത്തുകയായിരുന്നു. സംഭവത്തില് മണിക്കൂറുകള്ക്കകം മാനന്തേരിയിലെ താഴെകളത്തില് എ ശ്യാംജിത്തിനെ (25) പൊലീസ് അറസ്റ്റ് ചെയ്തിരുന്നു. പ്രണയത്തിൽ നിന്ന് പിന്മാറിയതിലുള്ള പകയാണ് കൊലയിലേക്ക് നയിച്ചത്. പട്ടാപ്പകൽ വീട്ടിൽ അതിക്രമിച്ചു കയറിയാണ് വിഷ്ണുപ്രിയയെ സുഹൃത്ത് ശ്യാംജിത്ത് അതിദാരുണമായി കൊലപ്പെടുത്തിയത്. തലശ്ശേരി അഡീഷണല് ജില്ലാ സെഷന്സ് കോടതി പ്രതി ശ്യാംജിത്ത് കുറ്റക്കാരനാണെന്ന് വിധിച്ചിരുന്നു. ശേഷം ശിക്ഷാ വിധി ഇന്നത്തേക്ക് മാറ്റി വെക്കുകയായിരുന്നു.
പാനൂർ വിഷ്ണുപ്രിയ കൊലക്കേസ്; പ്രതി ശ്യാംജിത്തിന് ജീവപര്യന്തം തടവ്; വീട്ടില് അതിക്രമിച്ച് കയറിയതിനു 10 വർഷം അധികശിക്ഷയും
Other news
Popular Categories
Previous article
Next article