ശ്രീനഗർ: ജമ്മു കശ്മീരിലെ പൂഞ്ച് ജില്ലയിൽ നിയന്ത്രണ രേഖയിലൂടെ അനധികൃതമായി ഇന്ത്യയിലേക്ക് കടക്കാൻ ശ്രമിച്ച പാക് പൗരൻ പിടിയിൽ. പാക് അധീന കശ്മീരിൽ നിന്നുള്ള സാലിഖ് എന്നയാളാണ് സുരക്ഷാ സേനയുടെ പിടിയിലായത്. ബോധപൂർവം അതിർത്തി ലംഘിച്ച് ഇന്ത്യയിലേക്ക് കടക്കാൻ ശ്രമിക്കുകയായിരുന്ന ഇയാളെ ഗുൽപുർ സെക്ടറിൽ വച്ച് ഇന്ത്യൻ സൈന്യം പിടികൂടുകയായിരുന്നു.

പിടിയിലായയത് പാക്കിസ്ഥാനിലെ ബന്ദി അബ്ബാസ്പൂർ സ്വദേശിയാണ്. ഇയാളെ കുറിച്ചുള്ള കൂടുതൽ അന്വേഷണങ്ങൾ നടന്നുവരികയാണെന്ന് പൂഞ്ച് പൊലീസ് അറിയിച്ചു. കഴിഞ്ഞ ദിവസം റിയാസി ജില്ലയിലെ മഹോറിലെ ലാപ്രി പ്രദേശത്ത് സുരക്ഷാ സേന സംയുക്ത ഓപ്പറേഷനിൽ ആയുധങ്ങളുടെയും വെടിക്കോപ്പുകളുടെയും ശേഖരം കണ്ടെത്തിയിരുന്നു.