ബ്രിട്ടനെ വിറപ്പിച്ച് മലയാളി ബ്രാൻഡ്; ലണ്ടൻ സ്പിരിറ്റ്സ് മത്സരത്തിൽ ‘ഒറ്റക്കൊമ്പൻ’ തരംഗം!
ലണ്ടൻ: ലോകത്തിന്റെ വിവിധ ഭാഗങ്ങളിൽ നിന്നുള്ള പ്രമുഖ മദ്യ ബ്രാൻഡുകൾ തമ്മിൽ കടുത്ത മത്സരം നടക്കുന്ന വേദിയിൽ മലയാളിയുടെ ‘ഒറ്റക്കൊമ്പൻ’ തിളങ്ങി. ബ്രിട്ടനിൽ നടന്ന London Spirits Competitionന്റെ ഒൻപതാം പതിപ്പിലാണ് ഈ നേട്ടം സ്വന്തമായത്.
2026ലെ മത്സരത്തിൽ ‘അദർ സ്പിരിറ്റ്സ്’ വിഭാഗത്തിൽ 84 പോയിന്റ് നേടി ഒറ്റക്കൊമ്പന്റെ ജാതിക്കാ വാറ്റ് വെങ്കല മെഡൽ കരസ്ഥമാക്കി. ഇതോടൊപ്പം നെല്ലിക്കാ വാറ്റ് (82 പോയിന്റ്)യും ഒറ്റക്കൊമ്പൻ ക്ലാസിക് റെഡ് (81 പോയിന്റ്)യും വെങ്കല മെഡൽ പട്ടികയിൽ ഇടം നേടി. ഗുണമേന്മ, വില, പാക്കേജിംഗ് എന്നിവയെ അടിസ്ഥാനമാക്കിയുള്ള കർശനമായ വിലയിരുത്തലുകളിലൂടെ ലഭിച്ച ഈ അംഗീകാരം ശ്രദ്ധേയമാണ്.
ഏകദേശം 800 കമ്പനികളും 6000ത്തിലധികം ബ്രാൻഡുകളും പങ്കെടുത്ത മത്സരത്തിൽ നിന്ന് ഫൈനലിലേക്ക് എത്തിയത് 300ഓളം ബ്രാൻഡുകൾ മാത്രം. അവയിൽ മലയാളിയുടെ ‘ഒറ്റക്കൊമ്പൻ’ ശ്രദ്ധേയ പ്രകടനം കാഴ്ചവച്ചത് അഭിമാനകരമാണ്.
കോഴിക്കോട് താമരശ്ശേരി സ്വദേശിയായ Binu Maniയാണ് ഈ സംരംഭത്തിന് പിന്നിൽ. ലണ്ടനിൽ നഴ്സായി ജോലി ചെയ്യുന്ന ബിനു, പുതിയ സംരംഭം തുടങ്ങാനുള്ള ആഗ്രഹത്തിൽ നിന്നാണ് ‘ഒറ്റക്കൊമ്പൻ’ ആരംഭിച്ചത്.
Appaice Limitedയുടെ കീഴിൽ പ്രവർത്തിക്കുന്ന ഈ ബ്രാൻഡ് ഇന്ന് അന്താരാഷ്ട്ര ശ്രദ്ധ പിടിച്ചുപറ്റിയിരിക്കുകയാണ്. കേരളത്തിന്റെ നാടൻ രുചികളെ ലോകത്തേക്ക് എത്തിക്കാനായി നെല്ലിക്ക, ജാതിക്ക, മറയൂർ ശർക്കര, പതിമുഖം തുടങ്ങിയ ചേരുവകൾ ഉപയോഗിച്ചാണ് നിർമ്മാണം.
ആദ്യമായാണ് മത്സരത്തിൽ പങ്കെടുക്കുന്നത് എന്നിട്ടും മൂന്നു ഇനങ്ങൾക്കും അംഗീകാരം നേടിയത് ഈ ബ്രാൻഡിന്റെ ഗുണനിലവാരം തെളിയിക്കുന്നു.
ഇപ്പോൾ ബ്രിട്ടൻ, അബുദാബി, മാൾട്ട തുടങ്ങിയ വിപണികളിൽ ലഭ്യമായ ‘ഒറ്റക്കൊമ്പൻ’, രണ്ട് വർഷത്തിനുള്ളിൽ 25,000 ബോട്ടിലുകൾ വിറ്റഴിക്കുകയും ചെയ്തു. അടുത്ത ലക്ഷ്യം ഇന്ത്യൻ വിപണിയാണ്.
English Summary
A Kerala-origin craft liquor brand “Otta Komban” has won global recognition at the London Spirits Competition in the UK. The brand secured bronze medals in multiple categories, including its nutmeg-based spirit scoring 84 points.
Founded by Binu Mani under Appaice Limited, the brand uses traditional Kerala ingredients like gooseberry, nutmeg, and jaggery. Despite being its first participation, the brand impressed judges and is now expanding globally, with plans to enter the Indian market.
Otta Komban, Kerala Brand, London Spirits Competition, Binu Mani, Indian Craft Liquor, International Award, Business News
