ഒരു വോട്ടിന്റെ കരുത്ത്: വയനാട് കരിങ്ങാരിയില്‍ ചരിത്രമെഴുതിയ ഫോട്ടോ ഫിനിഷ്

കല്‍പറ്റ: “ഒരു വോട്ടല്ലേ, അതിന് എന്ത് വില?” എന്ന പതിവ് ചോദ്യത്തിന് ഉത്തരം നല്‍കുന്ന ജനവിധിയാണ് വയനാട് ജില്ലയിലെ വെള്ളമുണ്ട ഗ്രാമപഞ്ചായത്തിലെ കരിങ്ങാരി വാര്‍ഡ്.

ജനാധിപത്യത്തിന്റെ ഏറ്റവും ചെറുതെന്ന് കരുതുന്ന ഘടകം പോലും എത്ര വലിയ മാറ്റങ്ങള്‍ക്ക് വഴിയൊരുക്കുമെന്നതിന് ശക്തമായ ഉദാഹരണമായി ഈ വാര്‍ഡിലെ തെരഞ്ഞെടുപ്പ് ഫലം മാറി.

ഫോട്ടോ ഫിനിഷില്‍ സിപിഎം വിജയം

കരിങ്ങാരി വാര്‍ഡില്‍ ഫോട്ടോ ഫിനിഷിലായിരുന്നു അന്തിമഫലം. സിപിഎം സ്ഥാനാര്‍ഥി ഉണ്ണാച്ചി മൊയ്തു 375 വോട്ടുകള്‍ നേടി വിജയിച്ചപ്പോള്‍,

ബിജെപി സ്ഥാനാര്‍ഥി മനോജ് പടക്കോട്ടുമ്മല്‍ വെറും ഒരു വോട്ടിന്റെ വ്യത്യാസത്തില്‍ – 374 വോട്ടുകള്‍ – രണ്ടാം സ്ഥാനത്തെത്തി.

അതിലും കൗതുകകരമായത് മൂന്നാം സ്ഥാനത്തെ കോണ്‍ഗ്രസ് സ്ഥാനാര്‍ഥി ടി.കെ. മുഹമ്മദലിയുടെ പ്രകടനമാണ്. അദ്ദേഹം നേടിയത് 373 വോട്ടുകള്‍. രണ്ടും മൂന്നും സ്ഥാനാര്‍ഥികള്‍ക്കിടയിലും വ്യത്യാസം വെറും ഒരു വോട്ട് മാത്രം.

ഒരു വോട്ടിന്റെ മേല്‍ മൂന്ന് സ്ഥാനാര്‍ഥികളുടെ ഭാവി നിര്‍ണയിക്കപ്പെട്ട ഈ ഫലം രാഷ്ട്രീയ കേരളം ഉറ്റുനോക്കുന്ന ഒന്നായി.

“ആ വീട്ടില്‍ നിന്ന് ഒരു വോട്ടല്ലേ കിട്ടാനുള്ളൂ, അത് വിട്ടേക്കാം” എന്ന സമീപനം എത്ര വലിയ തിരിച്ചടിയാകാമെന്ന് ഈ ജനവിധി ഓര്‍മ്മിപ്പിക്കുന്നു. ഓരോ വോട്ടും വിലപ്പെട്ടതാണെന്നും, ഓരോ വോട്ടറും നിര്‍ണായകനാണെന്നും ഈ ഫലം വീണ്ടും തെളിയിക്കുന്നു.

പാനൂർ പാറാട് ടൗണിൽ യുഡിഎഫ്-എൽഡിഎഫ് പ്രവർത്തകർ തമ്മിൽ ഏറ്റുമുട്ടൽ: വടിവാളുമായി എൽഡിഎഫ് പ്രവർത്തകരുടെ ആക്രമണം: വാഹനങ്ങൾ തകർത്തു

അവസാന നിമിഷം വരെ കടുത്ത മത്സരം

പ്രചാരണ കാലത്ത് കരിങ്ങാരി വാര്‍ഡില്‍ മൂന്നു മുന്നണികളും ശക്തമായ പ്രവര്‍ത്തനമാണ് നടത്തിയത്.

അവസാന നിമിഷം വരെ ആര് വിജയിക്കുമെന്ന് ഉറപ്പിക്കാനാകാത്ത തരത്തിലായിരുന്നു മത്സരം. വോട്ടെണ്ണല്‍ പൂര്‍ത്തിയായപ്പോഴാണ് ഒരു വോട്ട് പോലും എത്രത്തോളം രാഷ്ട്രീയ ചരിത്രം മാറ്റിമറിക്കുമെന്ന് വ്യക്തമായത്.

ജനാധിപത്യത്തിന്റെ ശക്തി വയനാട് തെളിയിച്ചു

ജനാധിപത്യത്തില്‍ നിസ്സാരമെന്ന് ഒന്നുമില്ല. വോട്ട് ചെയ്യാതിരിക്കാനുള്ള ന്യായങ്ങള്‍ തേടുന്നവർക്കും,

“ഒരു വോട്ടുകൊണ്ട് എന്ത് സംഭവിക്കാനാണ്” എന്ന് ചിന്തിക്കുന്നവർക്കുമുള്ള ശക്തമായ മറുപടിയാണ് കരിങ്ങാരി വാര്‍ഡ്. വയനാട്ടില്‍ നിന്നുള്ള ഈ ജനവിധി, കേരളമാകെ ചര്‍ച്ചയാകുകയാണ്.

English Summary

A razor-thin victory in Karinkari ward of Wayanad’s Vellamunda grama panchayat has highlighted the true power of a single vote. CPM candidate Unnachi Moithu won with 375 votes, while BJP’s Manoj Padakkottummal lost by just one vote, and Congress candidate T.K. Muhammadali followed closely with 373 votes.