യു.എ.ഇ യിൽ ‘സീസണൽ’ യാചകർക്ക് കർശന നിയന്ത്രണം: യാചകരെ കണ്ടാൽ ചെയ്യേണ്ട കാര്യങ്ങളെക്കുറിച്ച് അധികൃതരുടെ മുന്നറിയിപ്പ്

റമദാൻ നോമ്പ് ആരംഭിച്ചതോടെ ആളുകളുടെ മത വിശ്വാസത്തേയും ജീവകാരുണ്യ മനോഭാവങ്ങളേയും ചൂഷണം ചെയ്ത ‘സീസണൽ’ ഭിക്ഷാടകർ ഇറങ്ങുക ഗൾഫ് രാജ്യങ്ങളിൽ പതിവാണ്. ജനങ്ങളുടെ സുരക്ഷ ഉറപ്പുവരുത്തുന്നതിൻ്റെ ഭാഗമായി ഇത്തരം യാചകർക്ക് നിയന്ത്രണം ഏർപ്പെടുത്താൻ ഒരുങ്ങി ഷാർജ. സീസണൽ യാചകരെ കണ്ടാൽ അറിയിക്കണമെന്നും പൊതു ജനങ്ങളോട് പോലീസ് അഭ്യർത്ഥിച്ചു. പ്രധാന നഗരങ്ങളിൽ പട്രോളിങ് നടത്തുമെന്നും ൯ഇത്തരക്കാരെ കണ്ടെത്തിയാൽ കാത്തിരിക്കുന്നത് കർശന ശിക്ഷകളാണെന്നും ഉദ്യോഗസ്ഥർ വ്യക്തമാക്കി. റമദാൻ മാസത്തിൽ പള്ളികളിലും തിരക്കേറിയ മറ്റ് സ്ഥലങ്ങളിലും ക്യാമ്പെയിനും പോലീസ് പട്രോളിങ്ങും ശക്തമാക്കും. തട്ടിപ്പുകളിൽ വീഴാതിരിക്കാൻ പൊതുജനങ്ങൾക്ക് ബോധവത്ക്കരിക്കുന്നതിന് അറബിക്, ഇംഗ്ലീഷ്, ഉറുദു എന്നീ ഭാഷകളിലായി ഭിക്ഷാടന വിരുദ്ധ ക്യാമ്പെയിനും ഷാർജ പോലീസിൻ്റെ നേതൃത്വത്തിൽ ആരംഭിച്ചിട്ടുണ്ട്.

Read Also: മലപ്പുറത്ത് പോലീസ് കസ്റ്റഡിയിലെടുത്ത് ചോദ്യം ചെയ്ത യുവാവ് മരിച്ചു: മർദ്ദനം മൂലമെന്ന ആരോപണവുമായി ബന്ധുക്കൾ