തിരുവനന്തപുരം: സംസ്ഥാനത്ത് ഇന്ന് മാറ്റമില്ലാതെ തുടർന്ന് സ്വർണവില. ഒൻപത് ദിവസങ്ങൾക്ക് ശേഷം ഇന്നലെ സംസ്ഥാനത്തെ സ്വർണവില 64000 ൽ താഴെയെത്തിയിരുന്നു. പവന് 640 രൂപയാണ് ഇന്നലെ മാത്രം കുറഞ്ഞത്. ഒരു പവൻ സ്വർണത്തിൻ്റെ ഇന്നത്തെ വിപണി വില 63440 രൂപയാണ്.
മൂന്ന് ദിവസങ്ങൾക്ക് മുൻപ് റെക്കോർഡ് നിലവാരത്തിലെത്തിയ സ്വർണവില പിന്നീടങ്ങോട്ട് ഇടിവ് നേരിടുന്നതായാണ് കണ്ടത്. ഒരു ഗ്രാം 22 കാരറ്റ് സ്വർണത്തിന്റെ വിപണി വില 7930 രൂപയായി. ഒരു ഗ്രാം 18 കാരറ്റ് സ്വർണത്തിന്റെ വിപണി വില 6520 രൂപയാണ്. ഒരു ഗ്രാം സാധാരണ വെള്ളിയുടെ വില 104 രൂപയാണ്.
