കോതമംഗലം: കാട്ടാന ആക്രമണം മൂലം, പഠനം മുടങ്ങുന്നത് പതിവായ എറണാകുളം ജില്ലയുടെ ഇടമലയാർ ഗവ. യു.പി സ്കൂളിന് ശാപമോക്ഷമായി.Idamalyar Govt. UP School
കോതമംഗലം ബ്ലോക്ക് പഞ്ചായത്ത് സ്കൂളിനു ചുറ്റും സംരക്ഷണ ഭിത്തി നിർമ്മിച്ചാണ് കാട്ടാനപ്പേടിക്ക് അറുതി വരുത്തി.
40 ആദിവാസി കുട്ടികൾ പഠിക്കുന്ന സ്കൂളിൽ, വന്യ മൃഗങ്ങളുടേയും,ഇഴ ജന്തുക്കളുടേയും ഭീഷണിയായിരുന്നു. ബ്ലോക്ക് പഞ്ചായത്ത് 2023 – 2024 വാർഷീക പദ്ധതിയിൽ ഉൾപ്പെടുത്തി 20 ലക്ഷം രൂപ ചെലവഴിച്ചാണ് വിദ്യാർഥികളുടെയും, അധ്യാപകരുടെയും ആശങ്ക അകറ്റിയ ചുറ്റുമതിൽ നിർമ്മാണങ്ങൾ നടത്തിയത്.
നിരവധി തവണ കാട്ടാനകൾ സ്കൂൾ കെട്ടിടത്തിൽ നാശനഷ്ടം ഉണ്ടാക്കിയ സാഹചര്യത്തിലാണ് ബ്ലോക്ക് പഞ്ചായത്ത് പദ്ധതി ഏറ്റെടുത്തത്.
നിരവധി ആദിവാസി കുട്ടികൾക്ക് ഏക വിദ്യാഭാസ ആശ്രയമാണ് ഇടമലയാർ ഗവ.U.P. സ്കൂൾ. സ്കൂൾ കോമ്പൗണ്ടിന് സംരക്ഷണ ഭിത്തി,ഗെയ്റ്റ്, ആർച്ച്, മുറ്റത്ത് ടൈൽ ,കുട്ടികൾക്ക് കളിക്കുന്നതിനുള്ള ഉപകരണങ്ങൾ എന്നീ പ്രവർത്തികൾ പൂർത്തീകരിച്ചതോടെ സ്കൂൾ അന്തരീക്ഷം സുരക്ഷിതവും കൂടുതൽ മനോഹരവുമായി.
