തിരുവനന്തപുരം: കാലാവസ്ഥ വളരെ ഏറെ മോശമായി തുടരുന്ന സാഹചര്യത്തിൽ സംസ്ഥാനത്ത് മത്സ്യബന്ധത്തിന് വിലക്ക്. ഇനിയൊരു അറിയിപ്പ് ഉണ്ടാകുന്നത് വരെ മത്സ്യ ബന്ധനം പാടില്ലെന്നാണ് നിർദേശം. കൂടാതെ മത്സ്യ തൊഴിലാളികൾ ജാഗ്രത നിർദേശം പാലിക്കണമെന്നും പ്രത്യേകമായി മുന്നറിയിപ്പുണ്ട്.
വരും ദിവസങ്ങളിലും ശക്തമായ കാറ്റും മോശം കാലാവസ്ഥയും പ്രതീക്ഷിക്കുന്നതിനാലാണ് ഇനിയൊരു അറിയിപ്പ് വരെ മത്സ്യബന്ധനം പാടില്ലെന്ന് മുന്നറിയിപ്പ് നൽകുന്നത്. ഇത് കർശനമായി പാലിക്കണാനും നിർദേശമുണ്ട്. അതേസമയം സംസ്ഥാനത്ത് ഇന്ന് മുതൽ തീവ്രമഴയ്ക്ക് സാധ്യതയുണ്ടെന്ന് നേരത്തെ തന്നെ കാലാവസ്ഥാ വകുപ്പ് അറിയിച്ചിട്ടുണ്ട്. മലപ്പുറം, വയനാട് ജില്ലകളിൽ ഇന്നും ഓറഞ്ച് അലർട്ടാണ്. തിരുവനന്തപുരം, കൊല്ലം, പത്തനംതിട്ട, ഇടുക്കി, പാലക്കാട്, കോഴിക്കോട്, കണ്ണൂർ, കാസർകോട് ജില്ലകളിൽ യെല്ലോ അലർട്ടും പ്രഖ്യാപിച്ചതാണ്.
