പ്രവാസികളുടെ ശ്രദ്ധയ്ക്ക്; നോർക്ക കെയർ ആരോഗ്യ–അപകട ഇൻഷുറൻസ് എൻറോൾമെന്റ് ഇന്ന് അവസാനിക്കും
തിരുവനന്തപുരം ∙ പ്രവാസികൾക്കും അവരുടെ കുടുംബങ്ങൾക്കുമായി നോർക്ക റൂട്ട്സ് വഴി സംസ്ഥാന സർക്കാർ നടപ്പാക്കുന്ന സമഗ്ര ആരോഗ്യ–അപകട ഇൻഷുറൻസ് പദ്ധതിയായ ‘നോർക്ക കെയർ’ എൻറോൾമെന്റ് ഇന്ന് അവസാനിക്കും.
നിലവിൽ പദ്ധതിയിൽ അംഗമായവർക്ക് എൻറോൾമെന്റ് സമയത്ത് ഉണ്ടായ പേര്, ജനനത്തീയതി, അംഗങ്ങളുടെ ഒഴിവാക്കൽ തുടങ്ങിയ വ്യക്തിഗത വിവര പിശകുകൾ തിരുത്തുന്നതിനായി ഡിസംബർ 15 മുതൽ 25 വരെ പ്രത്യേക അവസരം ഒരുക്കിയിട്ടുണ്ട്.
നോർയ്ക്ക കെയർ മൊബൈൽ ആപ്പുകൾ വഴിയോ വെബ്സൈറ്റ് വഴിയോ ഈ സേവനം ലഭ്യമാണ്.
ഒരു കുടുംബത്തിന് (ഭർത്താവ്, ഭാര്യ, 25 വയസ്സിന് താഴെയുള്ള രണ്ട് മക്കൾ) 13,411 രൂപ പ്രീമിയത്തിൽ അഞ്ച് ലക്ഷം രൂപയുടെ ആരോഗ്യ ഇൻഷുറൻസും 10 ലക്ഷം രൂപയുടെ ഗ്രൂപ്പ് പേഴ്സണൽ ആക്സിഡന്റ് പരിരക്ഷയും പദ്ധതിയിലൂടെ ലഭ്യമാകും.
കേരളത്തിലെ 500-ത്തിലധികം ആശുപത്രികൾ ഉൾപ്പെടെ രാജ്യത്തെ 16,000-ത്തോളം ആശുപത്രികളിൽ ക്യാഷ്ലെസ് ചികിത്സയുടെ സൗകര്യമാണ് നോർയ്ക്ക കെയർ പ്രവർത്തിക്കുന്നത്.
പ്രവാസി മലയാളികൾ ഏറെകാലമായി ആവശ്യപ്പെട്ടിരുന്നതായ സമഗ്ര ആരോഗ്യ–അപകട ഇൻഷുറൻസിന്റെ സാക്ഷാത്കാരമായി ലോകകേരള സഭയിലും മറ്റുമായി ഉയർന്ന ആശയത്തിന്റെ ഫലമാണ് ഈ പദ്ധതി.
സാധുവായ നോർയ്ക്ക പ്രവാസി ഐഡി, സ്റ്റുഡന്റ് ഐഡി, എൻആർകെ ഐഡി എന്നിവയുള്ളവർക്ക് പദ്ധതിയിൽ അംഗത്വം നേടാം.
English Summary
The enrolment for ‘Norka Care’, the comprehensive health and accident insurance scheme for Non-Resident Keralites and their families, ends today. Existing members can correct personal details such as name, date of birth, and missing family members between December 15 and 25 via the Norka Care mobile app or website. The scheme offers ₹5 lakh health insurance and ₹10 lakh personal accident coverage for a family of four at a premium of ₹13,411. Cashless treatment is available at over 16,000 hospitals nationwide, including 500+ in Kerala. The scheme fulfils a long-standing demand of the Malayali diaspora, and valid Norka IDs are mandatory for enrolment.
Norka Care Enrolment Ends Today
Norka Care, Norka Roots, Kerala Government, Pravasi Malayali, Health Insurance, Accident Insurance, Cashless Treatment, Kerala News
