കേരളത്തിന്റെ പുതിയ സൗന്ദര്യറാണി; ‘മിസ് ക്വീൻ കേരള 2026’ കിരീടം നിധിക സോനു അഗസ്റ്റിന്!
കൊച്ചി: ഫാഷൻ ലോകം ആകാംക്ഷയോടെ കാത്തിരുന്ന ‘മിസ് ക്വീൻ കേരള 2026’ കിരീടം നിധിക സോനു അഗസ്റ്റിൻ സ്വന്തമാക്കി. അൽകാസർ വാച്ചസ് & ഡിക്യൂ വാച്ചസ് അവതരിപ്പിച്ച മിസ് ക്വീൻ കേരളയുടെ 14-ാമത് എഡിഷൻ ഗ്രാൻഡ് ഫിനാലെയിലായിരുന്നു നിധികയുടെ വിജയം.
മത്സരത്തിൽ ഇഷ ഹരീഷ് ഫസ്റ്റ് റണ്ണറപ്പായും സായ് പൂജ സെക്കൻഡ് റണ്ണറപ്പായും തിരഞ്ഞെടുക്കപ്പെട്ടു. പെഗാസസ് ഗ്ലോബൽ പ്രൈവറ്റ് ലിമിറ്റഡാണ് ചടങ്ങ് സംഘടിപ്പിച്ചത്.
മേയ് 23ന് കൊച്ചിയിലെ മെറിഡിയൻ ഹോട്ടലിൽ നടന്ന ഗ്രാൻഡ് ഫിനാലെ സിനിമ, ഫാഷൻ, ബിസിനസ് രംഗങ്ങളിലെ പ്രമുഖരുടെ സാന്നിധ്യത്തോടെ ശ്രദ്ധേയമായി.
കഴിഞ്ഞ വർഷത്തെ വിജയിയായ ദുർഗ്ഗാ സുരേന്ദ്രനും സാജ് ഗ്രൂപ്പ് ഓഫ് ഹോട്ടൽസിന്റെ സി.എം.ഡി സാജൻ വർഗീസും ചേർന്നാണ് വിജയിക്ക് സ്വർണ്ണ കിരീടം അണിയിച്ചത്. പറക്കാട്ട് ജ്വല്ലേഴ്സിന്റെ പ്രീതി പറക്കാട്ടും പെഗാസസ് ഗ്ലോബൽ എം.ഡി ജെബിത അജിതും ഫസ്റ്റ് റണ്ണറപ്പിനെ കിരീടമണിയിച്ചു. വൈബ് മൂന്നാർ ചെയർമാൻ ജോളി ആന്റണിയും പെഗാസസ് ചെയർമാൻ അജിത് രവിയും ചേർന്നാണ് സെക്കൻഡ് റണ്ണറപ്പിന് കിരീടം സമ്മാനിച്ചത്.
പറക്കാട്ട് ജ്വല്ലേഴ്സിനായി പ്രീതി പ്രകാശ് പ്രത്യേകം രൂപകൽപ്പന ചെയ്ത സ്വർണ്ണ കിരീടങ്ങളാണ് വിജയികൾക്ക് സമ്മാനമായി നൽകിയത്.
വിധികർത്താക്കൾ
സൗന്ദര്യ മത്സര രംഗത്തെ പ്രമുഖരായ സിൻഡാ പടമാടൻ, ലക്ഷ്മി മേനോൻ, പൗർണമി മുരളി, നികിത തോമസ്, സൗമ്യ എസ്. തോമസ് എന്നിവർ അടങ്ങിയ പാനലാണ് വിധികർത്താക്കളായി എത്തിയത്.
റാംപ് വോക്കിനൊപ്പം ബുദ്ധിശക്തിയും വ്യക്തിത്വവും വിലയിരുത്തുന്ന വിവിധ റൗണ്ടുകളാണ് മത്സരത്തിൽ ഉൾപ്പെടുത്തിയിരുന്നത്.
സബ് ടൈറ്റിൽ വിജയികൾ
- മിസ് ടാലന്റ് – തമന്ന പ്രമോദ്
- മിസ് പോപ്പുലാരിറ്റി ക്വീൻ – തമന്ന പ്രമോദ്
- മിസ് ഫാഷനിസ്റ്റ – ഡാലിയ ലാലു
- മിസ് കൺജീനിയാലിറ്റി – സാന്ദ്ര സതീഷ്
- മിസ് റാംപ് വോക്ക് – വർഷ കെ മനോജ്
- മിസ് ഹ്യൂമൻനെസ് – തമന്ന പ്രമോദ്
- മിസ് ഇൻസ്പയറിങ് – ഡെനിയ ബിജു
- മിസ് വിവേഷ്യസ് – ഡാലിയ ലാലു
സ്ത്രീ ശാക്തീകരണത്തിനും വ്യക്തിത്വ വികസനത്തിനും പ്രാധാന്യം നൽകി സംഘടിപ്പിക്കുന്ന ‘മിസ് ക്വീൻ കേരള’ ദേശീയ-അന്തർദേശീയ വേദികളിലേക്ക് കേരളത്തിലെ യുവതികളെ എത്തിക്കുന്ന പ്രധാന പ്ലാറ്റ്ഫോമുകളിലൊന്നായി മാറിക്കഴിഞ്ഞു.
English Summary
Nidhika Sonu Augustine won the title of Miss Queen Kerala 2026 at the grand finale held in Kochi. Isha Harish and Sai Pooja were selected as the first and second runners-up respectively. The event, organized by Pegasus Global Pvt Ltd, celebrated beauty, confidence, and personality.
