ബിഹാർ തെരഞ്ഞെടുപ്പിലെ എൻഡിഎ മുന്നേറ്റം അപ്രതീക്ഷിതമല്ല; മൂന്ന് പ്രധാന കാരണങ്ങൾ ചൂണ്ടിക്കാട്ടി യോഗേന്ദ്ര യാദവ്

ന്യൂഡൽഹി: ബിഹാർ തെരഞ്ഞെടുപ്പിൽ എൻഡിഎയുടെ വൻ മുന്നേറ്റം അപ്രതീക്ഷിതമല്ലെന്നും, അതിൽ ആശ്ചര്യപ്പെടാനൊന്നുമില്ലെന്നും തിരഞ്ഞെടുപ്പ് വിശകലന വിദഗ്ധനും ഭാരത് ജോഡോ അഭിയാൻ ദേശീയ കൺവീനറുമായ യോഗേന്ദ്ര യാദവ് വ്യക്തമാക്കി.

ദി വയർ-നു നൽകിയ അഭിമുഖത്തിലാണ് അദ്ദേഹം ബിഹാറിലെ രാഷ്ട്രീയ പ്രവണതകളെയും വോട്ടിങ്ങ് സ്വഭാവത്തെയും കുറിച്ച് വിശദമായി വിശകലനം ചെയ്തത്.

ഫലങ്ങൾ നിരാശാജനകമായിരിക്കാമെങ്കിലും അതിൽ അതിശയിക്കാനില്ലെന്നാണ് അദ്ദേഹത്തിന്റെ അഭിപ്രായം.നിലവിൽ ബിഹാറിലെ 200-ലേറെ സീറ്റുകളിൽ എൻഡിഎ മുന്നേറ്റം തുടരുമ്പോൾ, ഈ ഉയർച്ചയ്ക്കുള്ള മൂന്നു പ്രധാന കാരണങ്ങൾ അദ്ദേഹം ചൂണ്ടിക്കാട്ടി

വലിയ സഖ്യം – എൻഡിഎയുടെ ഏറ്റവും വലിയ ആയുധം

യോഗേന്ദ്ര യാദവിന്റെ വിലയിരുത്തലിൽ ഏറ്റവും പ്രധാന ഘടകമാണ് എൻഡിഎ സഖ്യത്തിന്റെ വ്യാപ്തി. ബിഹാറിൽ ഇന്ത്യാ സഖ്യത്തെ അപേക്ഷിച്ച് എൻഡിഎയ്ക്ക് വളരെ വലിയ സഖ്യമാണ്,സഖ്യകക്ഷികളുടെ എണ്ണത്തിലും നിലപാടിലുമുള്ള ഈ ശക്തി എൻഡിഎയെ മതിപ്പിക്കുന്നതായി അദ്ദേഹം പറയുന്നു.

ഇതിന് പുറമെ ചിരാഗ് പാസ്വാന്റെ ലോക് ജനശക്തി പാർട്ടിയുടെ പിന്തുണ കൂടി ലഭിച്ചതോടെ എൻഡിഎയെ തോൽപ്പിക്കുക ഇന്ത്യാ സഖ്യത്തിനായി കൂടുതൽ പ്രയാസമായി.

സാമൂഹിക–ജാതി കണക്കുകൂട്ടൽ എൻഡിഎയ്ക്ക് അനുകൂലം

ബിഹാറിൽ വിപുലമായ സാമൂഹിക–ജാതി വിഭാഗങ്ങളിൽ നിന്ന് വോട്ടുകൾ നേടാൻ കഴിയുന്ന ഏക സഖ്യം എൻഡിഎയാണെന്ന് യാദവ് നിരീക്ഷിക്കുന്നു.

ഇന്ത്യാ സഖ്യം പ്രധാനമായും യാദവരും മുസ്ലിം വോട്ടർമാരുമാണ് ആശ്രയിക്കുന്നത്. എന്നാൽ എൻഡിഎ സ്വന്തം വോട്ടുബാങ്കിനൊപ്പം പിന്നാക്കവർഗങ്ങളിൽപ്പെട്ട 22% അധിക പിന്തുണയും നേടാൻ സാധിച്ചു

മഹാസഖ്യത്തെ ക്യൂ നിന്ന് തോൽപ്പിച്ച് വനിതകൾ; ബീഹാറിലെ കേരള മോഡൽ

വനിതാ വോട്ടർമാരുടെ ശക്തമായ പിന്തുണ

ബിഹാർ തെരഞ്ഞെടുപ്പിൽ സ്ത്രീ വോട്ടർമാർ എൻഡിഎയ്ക്കു നൽകിയ പിന്തുണ വൻ സ്വാധീനം ചെലുത്തി.

തൊഴിലവസര പദ്ധതിയുടെ ഭാഗമായി സ്ത്രീകൾക്ക് ₹10,000 രൂപ വീതം നൽകുന്ന പദ്ധതി വലിയ പ്രതികരണം നേടി.

ബിഹാറിന്റെ സാമ്പത്തിക സാഹചര്യത്തിൽ ₹10,000 ചെറിയ തുകയല്ലെന്നും അത് എൻഡിഎയ്ക്ക് നിർണായക വോട്ടുകൾ സമ്മാനിച്ചുവെന്നും യാദവ് വ്യക്തമാക്കി.

യോഗേന്ദ്ര യാദവിന്റെ നിഗമനം വ്യക്തമാണ്:

എൻഡിഎയുടെ വോട്ടുബാങ്കും സഖ്യശക്തിയും സാമൂഹിക പിന്തുണയും ചേർന്നതാണ് ബിഹാറിൽ അവർക്ക് വലിയ മുന്നേറ്റം നൽകിയത്. ഫലം നിരാശപ്പെടുത്തുന്നുണ്ടെങ്കിലും അത് അപ്രതീക്ഷിതമല്ല

English Summary

Yogendra Yadav stated that the NDA’s big lead in Bihar is not surprising. He highlighted three reasons: the NDA’s larger alliance strength, broader caste-based support, and a major shift of women voters influenced by the ₹10,000 employment scheme. According to him, while the results may be disappointing for the opposition, they are entirely predictable.