ഗ്രഹങ്ങളിൽ ശക്തിയേറിയ ബീം വിക്ഷേപിക്കുന്ന ‘ഡെത്ത് സ്റ്റാർ’ ബ്ലാക്ക് ഹോൾ കണ്ടെത്തിനാസ.ബഹിരാകാശത്തേക്ക് കണികകളുടെ ശക്തമായ രശ്മികൾ വർഷിക്കുന്ന വലിയ തമോദ്വാരങ്ങൾ ശാസ്ത്രജ്ഞരുടെ ഒരു സംഘം കണ്ടെത്തിയതായി റിപ്പോർട്ടുകൾ പറയുന്നു. ചന്ദ്ര എക്സ്-റേ ഒബ്സർവേറ്ററിയും യുഎസ് നാഷണൽ സയൻസ് ഫൗണ്ടേഷൻ്റെ (എൻഎസ്എഫ്) നാഷണൽ റേഡിയോ അസ്ട്രോണമിക്കൽ ഒബ്സർവേറ്ററിയുടെ (എൻആർഎഒ) വെരി ലോംഗ് ബേസ്ലൈൻ അറേയും (വിഎൽബിഎ) പടനാപ്രകാരം, ചൂടുള്ള വാതകത്താൽ ചുറ്റപ്പെട്ട ഗാലക്സികളിൽ 16 സൂപ്പർമാസിവ് തമോദ്വാരങ്ങൾ കണ്ടെത്തിയതായി ഒരു പ്രസ്താവനയിൽ നാസ വെളിപ്പെടുത്തി. ഇവയിൽ നിന്നുണ്ടാകുന്ന കിരണങ്ങൾ വലിയ അളവിൽ ദിശകൾ മാറ്റുകയാണെങ്കിൽ, ഗാലക്സിയുടെ വലിയ ഭാഗങ്ങളിൽ നക്ഷത്ര രൂപീകരണം കുറയ്ക്കാൻ അവയ്ക്ക് കഴിയുമെന്നു നാസ കൂട്ടിച്ചേർത്തു
നാഷണൽ റേഡിയോ അസ്ട്രോണമിക്കൽ ഒബ്സർവേറ്ററി നടത്തുന്ന വിഎൽബിഎയിൽ നിന്നുള്ള റേഡിയോ ഡാറ്റ ഉപയോഗിച്ച്, തമോദ്വാരങ്ങളിൽ നിന്ന് ഏതാനും പ്രകാശവർഷം അകലെയുള്ള കണങ്ങളുടെ ബീമുകളുടെ ദിശകൾ പഠിച്ചതിൽ നിന്നും നിർണായക വിവരങ്ങൾ ലഭിച്ചു. ഓരോ തമോദ്വാരവും എതിർദിശയിൽ രശ്മികൾ പുറപ്പെടുവിക്കുന്നതായി കണ്ടെത്തി. ഈ ഡെത്ത് സ്റ്റാർ തമോദ്വാരങ്ങൾ സ്റ്റാർ വാർസിലെ സാങ്കൽപ്പിക ബഹിരാകാശ നിലയം പോലെ ചുറ്റും കറങ്ങുകയും പുതിയ ലക്ഷ്യങ്ങളിലേക്ക് വിരൽ ചൂണ്ടുകയും ചെയ്യുന്നതായി പഠനത്തിന് നേതൃത്വം നൽകിയ ഇറ്റലിയിലെ ബൊലോഗ്ന സർവകലാശാലയിലെ ഫ്രാൻസെസ്കോ ഉബർട്ടോസി പറഞ്ഞു. ഈ തമോദ്വാരങ്ങൾക്ക് 10 ബില്യൺ വർഷത്തിലേറെ പഴക്കമുണ്ടെന്ന് സെൻ്റർ ഫോർ ആസ്ട്രോഫിസിക്സിൻ്റെ (സിഎഫ്എ) സഹ-ലേഖകനായ ഗെറിറ്റ് ഷെല്ലെൻബെർഗർ അഭിപ്രായപ്പെട്ടു. ഈ കണ്ടെത്തലിനുശേഷം, തമോദ്വാരങ്ങളിൽ നിന്നുള്ള കിരണങ്ങൾ അവയുടെ ഗാലക്സികളിൽ എത്ര നക്ഷത്രങ്ങൾ രൂപപ്പെടുന്നുവെന്ന് നിർണ്ണയിക്കുന്നതിൽ ഒരു പ്രധാന പങ്ക് വഹിക്കുന്നുവെന്ന് ശാസ്ത്രജ്ഞർ കരുതുന്നു.
