വളരെ കുറച്ച് ചിത്രങ്ങൾ മാത്രം അഭിനയിച്ച് മലയാളികളുടെ മനസ്സിൽ ഇടംനേടിയ നടിയാണ് നന്ദിനി .കരിമാടി കുട്ടൻ, ലേലം, അയാൾ കഥ എഴുതുകയാണ് തുടങ്ങി നിരവധി ഹിറ്റ് സിനിമകളുടെ ഭാഗമായിരുന്ന നന്ദിനി ഇപ്പോൾ മലയാള സിനിമയിൽ സജീവമല്ല. അടുത്തിടെ ഒരു പ്രമോഷൻ പരിപാടിക്കിടെ സുരേഷ് ഗോപിയെ കാണാൻ സർപ്രൈസ് അതിഥിയായി നടി നന്ദിനി എത്തിയിരുന്നു.. ആ പരിപാടികൾ എല്ലാം സമൂഹ മാധ്യമങ്ങളിൽ വൈറൽ ആയിരുന്നു . ഇപ്പോഴിതാ നന്ദിനിയുടെ ഒരു തുറന്നു പറച്ചിൽ വീണ്ടും ചർച്ചയാകുന്നു .
43കാരിയായ നന്ദിനി ഇന്നും അവിവിവാഹിതയാണ്. പ്രണയത്തകർച്ചയാണ് വിവാഹത്തിൽ നിന്നും തന്നെ പിൻവലിച്ചതെന്ന് താരം തുറന്നു പറഞ്ഞു. ”വിവാഹം, പ്രണയം എന്നിവയെ കുറിച്ചെല്ലാം അഭിമുഖങ്ങളിലും മറ്റും ചോദ്യങ്ങൾ വരാറുണ്ട്.”ബന്ധുക്കളോ സുഹൃത്തുക്കളോ അതേപറ്റി ചോദിക്കാറില്ല. ഞാൻ അതിനെ എല്ലാം കൂളായാണ് എടുക്കുന്നത്. വിവാഹിത ആകാത്തതും ഞാൻ കൂളായി ആണ് എടുക്കുന്നത്. വിവാഹം എന്നത് നടക്കേണ്ടതാണെങ്കിൽ നടന്നിരിക്കും. നല്ലൊരാളെ കിട്ടിയാൽ ഈ പ്രായത്തിലും വിവാഹം കഴിക്കാൻ തയ്യാറാണ്.”
തനിച്ച് ജീവിക്കുന്നതും നല്ല കാര്യമാണ്. എന്റെ പ്രണയം തകർന്നത് എന്നെ വല്ലാതെ വിഷമിപ്പിച്ചിരുന്നു. അതിൽ നിന്നും തിരിച്ചു വരാൻ എനിക്ക് ഒത്തിരി സമയം വേണ്ടി വന്നു. ആ വേദനയോട് ഞാൻ പിന്നെ യോജിച്ചു തുടങ്ങി. വീട്ടുകാരും ഒത്തിരി സപ്പോർട്ട് ചെയ്തു.]
”ഒടുവിൽ തിരിച്ചെത്തുക തന്നെ ചെയ്തു. വേർപിരിയൽ തീരുമാനം രണ്ട് പേർക്കും ഗുണം ചെയ്തു” എന്നാണ് നന്ദിനി പറയുന്നത്. കാമുകനും താനുമായി ആറ് വയസ് വ്യത്യാസമുണ്ടെന്ന് നേരത്തെ നന്ദിനി പറഞ്ഞിരുന്നു. ആദ്യ കാലത്ത് കല്യാണം കഴിഞ്ഞാൽ സിനിമാ മേഖലയിൽ നിൽക്കുക എന്നത് ബുദ്ധിമുട്ടേറിയ കാര്യം ആയിരുന്നു.അങ്ങനെ എക്‌സിന് പ്രായം കൂടി വന്നു. കാത്തിരിക്കാൻ പറ്റാതായി. അതുകൊണ്ട് ബ്രേക്കപ്പ് ആവുക ആയിരുന്നു. അല്ലെങ്കിൽ താൻ സിനിമയിൽ നിന്നും മാറി നിൽക്കേണ്ടി വരുമായിരുന്നു എന്നും നന്ദിനി പറഞ്ഞിരുന്നു. അതേസമയം, തമിഴ്, തെലുങ്ക് ചിത്രങ്ങളിലും സീരിയലുകളിലും സജീവമാണ് നന്ദിനി ഇപ്പോൾ.
