ഇടുക്കി : വെള്ളിത്തിരയെ ഇളക്കി മറിച്ച പ്രിയ താരജോഡികളായ മോഹൻലാലും ശോഭനയും ഒരുമിക്കുന്ന സിനിമയുടെ ചിത്രീകരണം തുടങ്ങി. 20 വർഷത്തെ വലിയ ഇടവേളക്കുശേഷമാണ് ഇരുവരും ഒരുമിക്കുന്നത്. തരുൺ മൂർത്തി സംവിധാനം ചെയ്യുന്ന ചിത്രത്തിന്റെ ഷൂട്ടിങ്ങ് തൊടുപുഴക്കടുത്ത് ഈസ്റ്റ് കലൂരിലാണ്. തരുൺ മൂർത്തിയുടെ പിതാവ് മധുമൂർത്തി സ്വിച്ചോൺ കർമ്മം നിർവ്വഹിച്ചു കൊണ്ടാണ് ചിത്രീകരണത്തിനു തുടക്കമിട്ടത്. രജപുത്രയുടെ ബാനറിൽ എം.രഞ്ജിത്താണ് ചിത്രം നിർമ്മിക്കുന്നത്. അവന്തിക രഞ്ജിത്ത് ഫസ്റ്റ് ക്ലാപ്പും നൽകി.
സാധാരണക്കാരനായ ഷണ്മുഖം എന്ന ടാക്സി ഡ്രൈവറെയാണ് മോഹൻലാൽ ഈ ചിത്രത്തിൽ അവതരിപ്പിക്കുന്നത്. ഷൺമുഖത്തിന്റെ ജീവിതം നർമ്മത്തിലൂടെ അവതരിപ്പിക്കാനാണ് സംവിധായകന്റെ ശ്രമം. ബിനു പപ്പു, ഫർഹാൻ ഫാസിൽ, മണിയൻപിള്ള രാജു, എന്നിവരും നിരവധി പുതുമുഖങ്ങളും ഈ ചിത്രത്തിൽ അഭിനയിക്കുന്നുണ്ട്. മോഹൻലാലിന്റെ 360-ാമത് ചിത്രം കൂടിയാണിത്. അതുകൊണ്ട് തന്നെ L -360 എന്നാണ് ചിത്രത്തിന് താൽക്കാലികമായി നൽകിയിരിക്കുന്ന പേര്. ചിത്രീകരണം തുടങ്ങുന്നതിന്റേയും ശോഭനയ്ക്കൊപ്പം അഭിനയിക്കുന്നതിന്റേയും സന്തോഷം മോഹൻലാൽ ഫേയ്സബുക്കിൽ പങ്കുവച്ചിട്ടുണ്ട്.
ഭാഗ്യ ലൊക്കേഷനിൽ കൈകൊടുത്ത് മോഹൻലാലും ശോഭനയും; L -360 ചിത്രീകരണം തുടങ്ങി
Other news
Popular Categories
Previous article
Next article