തിരുവനന്തപുരം: ശസ്ത്രക്രിയ കഴിഞ്ഞ് ഐസിയുവില് കിടന്ന യുവതിയെ കടന്നു പിടിച്ച ജീവനക്കാരന് അറസ്റ്റില്. തിരുവനന്തപുരം മെഡിക്കല് കോളജിലാണ് സംഭവം.
ഓര്ത്തോപീഡിക്സ് വിഭാഗം ജീവനക്കാരന് ദില്കുമാറി (52) നെയാണ് അറസ്റ്റ് ചെയ്തത്. പ്രതിയെ ആശുപത്രി സൂപ്രണ്ട് സസ്പെന്ഡ് ചെയ്തിട്ടുണ്ട്. ഇക്കഴിഞ്ഞ വെള്ളിയാഴ്ച രാത്രിയാണ് സംഭവം.
ശസ്ത്രക്രിയ കഴിഞ്ഞ് ഐസിയുവില് വിശ്രമിക്കുകയായിരുന്നു യുവതി. ഈ സമയത്ത് ദില്കുമാര് ഡ്യൂട്ടി കഴിഞ്ഞു പോകുന്നതിനിടെ ഐസിയുവില് കയറുകയായിരുന്നു. തുടർന്ന് മയക്കത്തിലായിരുന്ന യുവതിയെ പ്രതി കടന്നു പിടിക്കുകയായിരുന്നു.
എന്നാൽ യുവതി അവശതയില് ആയതുകൊണ്ട് തന്നെ പ്രതികരിക്കാൻ സാധിച്ചില്ല. പിന്നീട് രാത്രി ബന്ധുക്കള് കാണാനെത്തിയപ്പോഴാണ് ഇവര് കരഞ്ഞുകൊണ്ട് ഈ സംഭവം അറിയിച്ചത്. ബന്ധുക്കള് ഈ വിവരം ഉടൻ തന്നെ ഡ്യൂട്ടിയിലുണ്ടായിരുന്ന നഴ്സുമാരെ അറിയിച്ചു.
തുടര്ന്ന് ആര്എംഒയുടെ നേതൃത്വത്തില് പ്രാഥമിക അന്വേഷണം നടത്തി. ഇയാളെ കുറ്റക്കാരനെന്ന് കണ്ടെത്തുകയായിരുന്നു. ഈ റിപ്പോര്ട്ട് സൂപ്രണ്ടിന് സമര്പ്പിച്ചു. സൂപ്രണ്ടാണ് മെഡിക്കല് കോളജ് പൊലീസില് വിവരമറിയിച്ചത്.
