മലയാലപ്പുഴ: പത്തനംതിട്ട മലയാലപ്പുഴയിൽ സ്ത്രീധനത്തിനായി ഭാര്യയെ നിരന്തരം അക്രമിച്ച 52വയസുകാരൻ പിടിയിൽ . 2020 ൽ 47-ാം വയസ്സിലാണ് മലയാലപ്പുഴ സ്വദേശിനിയെ ഇയാൾ വിവാഹം കഴിച്ചത്.
കല്യാണം കഴിഞ്ഞത് മുതൽ സ്ത്രീധനം കുറഞ്ഞുപോയെന്നു പറഞ്ഞ് നിരന്തരം ഉപദ്രവിക്കാറുണ്ടായിരുന്നതായാണ് ഇയാളുടെ ഭാര്യ നൽകിയ പരാതിയിൽ പറയുന്നത്. ഈ പരാതിയുടെ അടിസ്ഥാനത്തിലാണ് ബിജു അറസ്റ്റിലായത്.
കഴിഞ്ഞ പതിനൊന്നാം തിയതിയാണ് പരാതി നൽകുന്നതിന് കാരണമായ സംഭവം നടന്നത്. ബിജു ഭാര്യയുടെ കഴുത്തിൽ തുണിയിട്ട് മുറുക്കി ശ്വാസം മുട്ടിച്ച് കൊലപ്പെടുത്താൻ ശ്രമം നടത്തുകയായിരുന്നു.
ഇതിനിടെ അത്ഭുതകരമായി രക്ഷപ്പെട്ട് ഓടി പന്തളം പൂഴിക്കാടുള്ള താൽക്കാലിക അഭകേന്ദ്രമായ സ്നേഹിതയിൽ എത്തുകയായിരുന്നു കല.
ഇതേത്തുടർന്നാണ് പോലീസിൽ പരാതി നൽകിയത്. സംഭവത്തിൽ കല നൽകിയ പരാതിയുടെ അടിസ്ഥാനത്തിൽ മലയാലപ്പുഴ പോലീസ് പ്രതിയെ പിടികൂടുകയായിരുന്നു.
ആക്രമണത്തിൽ പരിക്കേറ്റ കല അടൂർ ജനറൽ ആശുപത്രിയിൽ ചികിത്സയിലാണ്. കാലങ്ങളായി ബിജു തന്നെ മർദിച്ചിരുന്നുവെന്നാണ് ഇവർ ആരോപിക്കുന്നത്.
