രാജസ്ഥാനിലെ കോളേജ് ഹോസ്റ്റലിൽ മലയാളി വിദ്യാർഥിനി തൂങ്ങിമരിച്ച നിലയിൽ
കണ്ണൂർ: മലയാളി വിദ്യാർഥിനി രാജസ്ഥാനിലെ കോളേജ് ഹോസ്റ്റലിൽ തൂങ്ങിമരിച്ച നിലയിൽ. ചക്കരക്കൽ കാവിന്മൂല മിടാവിലോട് പാർവതി നിവാസിൽ പൂജയെയാണ് തൂങ്ങിമരിച്ച നിലയിൽ കണ്ടെത്തിയത്.
28 ന് രാത്രിയാണ് കോളജ് ഹോസ്റ്റലില് വച്ച് പൂജയെ ആത്മഹത്യ ചെയ്ത നിലയിൽ കണ്ടെത്തിയത്. 23 വയസായിരുന്നു.
രാജസ്ഥാൻ ശ്രീഗംഗാനഗർ ഗവ. വെറ്ററിനറി കോളജിലെ മൂന്നാം വർഷ വിദ്യാർഥിനിയായിരുന്നു പൂജ.
അമ്മ: സിന്ധു (എഇഎസ് ഇംഗ്ലീഷ് മീഡിയം സ്കൂൾ, അഞ്ചരക്കണ്ടി) അച്ഛൻ: വസന്തൻ (ഓട്ടോ ഡ്രൈവർ, കൊല്ലൻചിറ). ഇവരുടെ ഏക മകളാണ് പൂജ.
കഴിഞ്ഞ ദിവസം നാട്ടിലെത്തിച്ച മൃതദേഹം ഇന്ന് രാവിലെ പയ്യാമ്പലത്ത് സംസ്കരിച്ചു. പോലീസ് മേൽനടപടികൾ സ്വീകരിച്ചു.
പോക്സോ കേസിൽ ആറു വർഷം മുമ്പ് ജാമ്യത്തിലിറങ്ങി മുങ്ങി. പ്രതിയെ വണ്ടിപ്പെരിയാർ പോലീസ് പൊക്കി
വണ്ടിപ്പെരിയാറിൽ ആറ് വർഷങ്ങൾക്ക് മുമ്പ് പോക്സോ കേസിൽ ജയിലായി ജാമ്യത്തിൽ ഇറങ്ങി മുങ്ങിയ പ്രതിയെ വണ്ടിപ്പെരിയാർ പോലീസ് പിടികൂടി.
തമിഴ്നാട് വീരപാണ്ടി സ്വദേശി അരുൺ (28) നെയാണ് പോലീസ് വീരപാണ്ടിയിലെ വീട്ടിൽ നിന്നും പിടികൂടിയത്. 2019-ൽ വണ്ടിപ്പെരിയാർ പോലീസ് രജിസ്റ്റർ ചെയ്ത പോക്സോ കേസിലെ പ്രതിയാണ് അരുൺ.
ഇയാളെ കട്ടപ്പന പോക്സോ കോടതിയിൽ ഹാജരാക്കി പീരുമേട് കോടതിയിൽ റിമാൻഡ് ചെയ്തിരുന്നു. പിന്നീട് ഇയാൾക്ക് ജാമ്യം ലഭിച്ചതിന് ശേഷം ഇയാൾ മുങ്ങുകയായിരുന്നു.
തുടർന്ന് വണ്ടിപ്പെരിയാർ പോലീസ് പലയിടത്തും അന്വേഷിച്ചങ്കിലും ഇയാളെ കണ്ടെത്താനായില്ല. പിന്നീട് ഇയാൾ വീരപാണ്ടിയിലെ വീട്ടിൽ ഉണ്ടെന്ന രഹസ്യവിവരത്തിൻ്റെയടിസ്ഥാനത്തിൽ പോലീസ് ഇയാളെ ഞായറാഴ്ച്ച പുലർച്ചേ വീട്ടിൽ നിന്ന് തമിഴ്നാട് പോലീസിൻ്റെയും സഹായത്തോടെ പിടികൂടുകയായിരുന്നു.
പിന്നീട് പ്രതിയെ കേടതിയിൽ ഹാജരാക്കി റിമാൻഡ് ചെയ്തു. വണ്ടിപ്പെരിയാർ എസ്ഐ ടിഎസ് ജയകൃഷ്ണൻ്റെ നേതൃത്വത്തിൽ സിപിഒമാരായ വിഷ്ണു മോഹൻ, പികെ രാഹുൽ, പി സതീഷ്, കെആർ വിഷ്ണു എന്നിവരുടെ നേതൃത്വത്തിലാണ് പ്രതിയെ പിടികൂടിയത്.
