സൈനികനെ വീടിനുള്ളിൽ തൂങ്ങി മരിച്ച നിലയിൽ കണ്ടെത്തി; ആത്മഹത്യയെന്ന് പ്രാഥമിക നിഗമനം
മലപ്പുറം: മലപ്പുറം നിലമ്പൂർ മൂത്തേടം കുറ്റിക്കാട് സ്വദേശിയായ സൈനികനെ വീടിനുള്ളിൽ മരിച്ച നിലയിൽ കണ്ടെത്തി. ജസൻ സാമുവൽ (32) ആണ് മരിച്ചത്.
അവധിക്ക് നാട്ടിലെത്തിയിരുന്ന ജസനെ ഇന്ന് രാവിലെയാണ് വീട്ടിലെ മുറിക്കുള്ളിൽ തൂങ്ങി മരിച്ച നിലയിൽ കണ്ടെത്തിയത്.
പ്രാഥമികമായി ഇത് ആത്മഹത്യയാണെന്നാണ് പൊലീസ് നിഗമനം.
ഛത്തീസ്ഗഡിൽ സൈന്യത്തിൽ സേവനമനുഷ്ഠിച്ചുവരികയായിരുന്നു ജസൻ. നാല് ദിവസം മുൻപാണ് അവധിയെടുത്ത് നാട്ടിലെത്തിയത്.
മരണകാരണം സംബന്ധിച്ച് ഇതുവരെ വ്യക്തത ലഭിച്ചിട്ടില്ല. പൊലീസ് ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം നിലമ്പൂർ ജില്ലാ ആശുപത്രിയിലേക്ക് മാറ്റി.
പോസ്റ്റ്മോർട്ടം ഉൾപ്പെടെയുള്ള നിയമ നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകും.
ജസന് സ്വകാര്യമായി യാതൊരു പ്രശ്നങ്ങളുമുണ്ടായിരുന്നുവെന്ന വിവരം അറിയില്ലെന്ന് കുടുംബം അറിയിച്ചു.
സംഭവത്തിൽ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.
English Summary:
A 32-year-old soldier, Jasan Samuel, was found dead inside his house at Moothadam Kuttikkad in Nilambur, Malappuram. He was on leave and had returned home four days ago from his posting in Chhattisgarh. The body was found hanging inside a room, and police suspect suicide, though the exact cause of death is yet to be confirmed. Police have registered a case and initiated an investigation. The body has been shifted to Nilambur District Hospital for post-mortem.
malappuram-soldier-found-dead-nilambur
Malappuram, Nilambur, Soldier Death, Indian Army, Suspected Suicide, Police Investigation
