തെന്നിന്ത്യൻ സിനിമയിലെ മാസ്റ്റർ ഡയറക്ടർ ലോകേഷ് കനകരാജ് ആദ്യമായി നായകനായി എത്തുന്ന ‘ഡിസി’ എന്ന ചിത്രത്തെച്ചൊല്ലി സോഷ്യൽ മീഡിയയിൽ തർക്കം മുറുകുന്നു.
വാലന്റൈൻസ് ദിനത്തിൽ പുറത്തുവിട്ട ഗ്ലിംപ്സ് വീഡിയോയ്ക്ക് താഴെ ലോകേഷിനെ പരിഹസിച്ചും വിമർശിച്ചും നൂറുകണക്കിന് കമന്റുകളാണ് വന്നുകൊണ്ടിരിക്കുന്നത്.
വയലൻസ് കടന്നുപോയി, ഈ ചോരക്കളി ഇനി കാണാൻ വയ്യ: ലോകേഷിന്റെ സ്ഥിരം ചേരുവകൾക്കെതിരെ ജനരോഷം
ലോകേഷ് ചിത്രങ്ങളുടെ മുഖമുദ്രയായ തോക്കുകളും മയക്കുമരുന്നും ചോരപ്പുഴയും ഇനി തങ്ങൾക്ക് വേണ്ടെന്നാണ് ആരാധകർ ഒന്നടങ്കം പറയുന്നത്.
“ലോകേഷ് ഈ സേഫ് സോണിൽ നിന്ന് എന്ന് പുറത്തുവരും?” എന്നാണ് പലരും എക്സിൽ (X) ചോദിക്കുന്നത്.
ഒരു അഭിനേതാവെന്ന നിലയിൽ വ്യത്യസ്തമായ എന്തെങ്കിലും പരീക്ഷിക്കുന്നതിന് പകരം വീണ്ടും വയലൻസ് കടന്നുകൂടിയത്
സിനിമയുടെ ബോക്സ് ഓഫീസ് വിജയത്തെ ബാധിക്കുമെന്നും സിനിമാ പ്രേമികൾ വിലയിരുത്തുന്നു.
എൽ.സി.യു പാതിവഴിയിൽ; സംവിധാനം നിർത്തി അഭിനയിക്കാൻ പോയത് എന്തിന്? സോഷ്യൽ മീഡിയയിൽ ചോദ്യശരങ്ങൾ
വിക്രം, കൈതി തുടങ്ങിയ സിനിമകളിലൂടെ ലോകേഷ് സൃഷ്ടിച്ച സിനിമാറ്റിക് യൂണിവേഴ്സിലെ ബാക്കി ഭാഗങ്ങൾക്കായി കാത്തിരിക്കുന്ന പ്രേക്ഷകരെ നിരാശരാക്കുന്നതാണ് താരത്തിന്റെ പുതിയ നീക്കമെന്ന് വിമർശകർ പറയുന്നു.
തുടങ്ങിയ കാര്യങ്ങൾ പൂർത്തിയാക്കാതെ അഭിനയത്തിലേക്ക് ശ്രദ്ധ തിരിച്ച ലോകേഷിന്റെ തീരുമാനം അബദ്ധമാണെന്നാണ് പൊതുവായുള്ള വികാരം.
വ്ലോഗര് ചിന്നു പാപ്പുവിന്റെ ആണ്സുഹൃത്തും മരിച്ച നിലയില്
“അഭിനയം നിങ്ങൾക്ക് ചേരുന്ന പണിയല്ല, പഴയതുപോലെ സംവിധാനത്തിൽ ശ്രദ്ധിക്കൂ” എന്ന ഉപദേശവും സോഷ്യൽ മീഡിയയിൽ നിറയുന്നുണ്ട്.
അരുൺ മതേശ്വരനും സൺ പിക്ചേഴ്സും കൈകോർക്കുമ്പോൾ: ലോകേഷിന്റെ സിനിമാ ജീവിതം പ്രതിസന്ധിയിലോ?
രജനികാന്ത് ചിത്രം ‘കൂലി’യുടെ പരാജയത്തിന് പിന്നാലെ ലോകേഷിന് നേരിടേണ്ടി വന്ന സൈബർ ആക്രമണങ്ങൾക്ക് ഈ ഗ്ലിംപ്സ് ആക്കം കൂട്ടിയിരിക്കുകയാണ്.
അരുൺ മതേശ്വരൻ എന്ന പരീക്ഷണാത്മക സംവിധായകൻ ലോകേഷിനെ എങ്ങനെ അവതരിപ്പിക്കും എന്ന ആകാംക്ഷ നിലനിൽക്കെ തന്നെ,
ഗ്ലിംപ്സ് വീഡിയോയ്ക്ക് ലഭിച്ച മോശം പ്രതികരണം അണിയറപ്രവർത്തകരെയും ആശങ്കയിലാക്കുന്നുണ്ട്.
സൺ പിക്ചേഴ്സ് വലിയ പ്രതീക്ഷയോടെ നിർമ്മിക്കുന്ന ഈ ചിത്രം ലോകേഷിന് ഒരു നടനെന്ന നിലയിൽ മേൽവിലാസം നൽകുമോ എന്ന് കാത്തിരുന്നു തന്നെ കാണണം.
English Summary
Director Lokesh Kanagaraj’s debut as a lead actor in the film DC, directed by Arun Matheswaran, has sparked controversy following the release of its Valentine’s Day glimpse. While the first look was well-received, the new footage faced heavy criticism on social media for its excessive violence, gore, and repetitive themes of drugs and guns.
