ആയിരത്തിലധികം ‘ജെന്സി’ സ്ഥാനാര്ത്ഥികള്…21 വയസ് മാത്രമുള്ള 149 പേർ; 52.36 ശതമാനം വനിതകൾ
സംസ്ഥാനത്ത് ആദ്യമായി ആയിരത്തോളം ജെൻസി സ്ഥാനാർഥികൾ തദ്ദേശ തിരഞ്ഞെടുപ്പ് അരങ്ങിലെത്തുന്നു. 25 വയസ്സിൽ താഴെ പ്രായമുള്ള 1183 പേർ ഇത്തവണ മത്സരിക്കുന്നു.
ഇവരിൽ 917 യുവതികളും 266 യുവാക്കളുമാണ് വിവിധ പാർട്ടികളുടെ സ്ഥാനാർഥികളായി രംഗത്തെത്തിയത്.
മത്സരിക്കാനുള്ള കുറഞ്ഞ പ്രായമായ 21 വയസ്സു മാത്രമുള്ളവരിൽ 149 പേരാണ് ത്രിതല പഞ്ചായത്തിലെ വ്യത്യസ്ത വാർഡുകളിൽ ജനപിന്തുണ തേടുന്നത്.
ഇവരിൽ 130 പേർ വനിതകളും 19 പേർ പുരുഷന്മാരുമാണ്.
എസ്എഫ്ഐ, കെഎസ്യു, എബിവിപി, എംഎസ്എഫ്, എഐഎസ്എഫ് എന്നീ വിദ്യാർത്ഥി സംഘടനകളിലെ നേതാക്കളാണ് ഇപ്പോൾ തദ്ദേശതലത്തിൽ മത്സരരംഗത്ത്.
പ്രധാന രാഷ്ട്രീയ പാർട്ടികൾ പതിവിൽ നിന്ന് മാറി വിദ്യാർത്ഥി നേതാക്കൾക്ക് അവസരം നൽകിയതും ശ്രദ്ധേയമാണ്. കൂടാതെ, ട്രാൻസ്ജെൻഡർ സമുദായത്തിന് സീറ്റുകൾ നൽകിക്കൊണ്ട് കോൺഗ്രസ് പുതിയൊരു രാഷ്ട്രീയ മുന്നേറ്റവും സൃഷ്ടിച്ചിട്ടുണ്ട്.
തിരുവനന്തപുരം ജില്ലാ പഞ്ചായത്തിലെ പോത്തൻകോട് ഡിവിഷനിൽ മത്സരിക്കുന്ന അമയ പ്രസാദിനെ ട്രാൻസ്ജെൻഡർ സ്ഥാനാർഥിയായി രേഖപ്പെടുത്തിയിരിക്കുന്നപ്പോൾ,
ആലപ്പുഴ ജില്ലയിൽ വയലാർ ഡിവിഷനിൽ മത്സരിക്കുന്ന ട്രാൻസ്വുമൺ അരുണിമ എം. കുറുപ്പിനെ സ്ത്രീയായി രേഖപ്പെടുത്തിയിട്ടുണ്ട്.
സ്ത്രീസ്വാതന്ത്ര്യപ്രസംഗങ്ങളിൽ മുന്നിൽ നിൽക്കുന്ന ഇടതുപാർട്ടികൾക്ക് മറുപടിയായിട്ടാണ് കോൺഗ്രസിന്റെ ഈ നീക്കം വിലയിരുത്തപ്പെടുന്നത്.
ഈ തവണ ത്രിതല പഞ്ചായത്തിൽ മത്സരിക്കുന്ന 75,644 സ്ഥാനാർഥികളിൽ 39,609 പേർ സ്ത്രീകളും 36,304 പേർ പുരുഷന്മാരുമാണ്—അതായത് 52.36% സ്ഥാനാർഥികളും സ്ത്രീകൾ.
ഒമ്പത് ജില്ലകളിൽ വനിതാ സ്ഥാനാർഥികളുടെ ശതമാനം 52%-നെ കവിയുന്നു. ഗ്രാമപഞ്ചായത്തുകളിൽ 29,262 വനിതകളും 26,168 പുരുഷന്മാരും മത്സരിക്കുന്നു.
ആറു കോർപ്പറേഷനുകളിലുമായി 1,800 സ്ഥാനാർഥികൾ മത്സരരംഗത്തുണ്ട്.
English Summary
For the first time, over 1,000 Gen Z candidates are contesting in the local body elections in Kerala. A total of 1,183 candidates under the age of 25 have entered the fray, including 917 women and 266 men. Among them, 149 candidates are just 21 years old, the minimum age to contest.
local-body-election-gen-z-candidates-kerala
Kerala election, Gen Z candidates, local body polls, student politics, transgender candidates, Congress, Panchayat elections, women representation
