കരയുന്ന ഘടകകക്ഷികൾക്കു പോലും സീറ്റു നൽകാതെ എൽഡിഎഫ്; ചോദിക്കുന്നവർക്കെല്ലാം വാരിക്കോരി നൽകി യുഡിഎഫ്
തദ്ദേശ തിരഞ്ഞെടുപ്പ് അടുത്തെത്തുമ്പോൾ ഇടത്-വലത് മുന്നണികളിൽ സീറ്റ് പങ്കിടലുമായി ബന്ധപ്പെട്ട അസ്വസ്ഥതകൾ ശക്തമാകുന്നു.
യുഡിഎഫിൽ ഘടകകക്ഷികൾക്ക് സിറ്റിംഗ് സീറ്റുകൾ പോലും വിട്ടുനൽകിയതിനെതിരെ കോൺഗ്രസിൽ പ്രതിഷേധം പുകയുമ്പോൾ, എൽഡിഎഫിൽ ചെറുകക്ഷികൾക്ക് ഇത്തവണ സ്വന്തം സിറ്റിംഗ് സീറ്റുകൾ പോലും ലഭിക്കുമോയെന്ന ആശങ്കയാണ് ഉയരുന്നത്.
നിയമസഭാ തിരഞ്ഞെടുപ്പിന് മുന്നോടിയായുള്ള സൂചനയായി കണക്കാക്കുന്ന ഈ തദ്ദേശ തെരഞ്ഞെടുപ്പിൽ, ചെറിയ ഘടകകക്ഷികളോടുള്ള സമീപനം കടുപ്പിക്കാനാണ് സിപിഎമ്മിന്റെ തീരുമാനം. സീറ്റുകൾ ഉദാരമായി നൽകുന്ന പഴയ നിലപാട് ഇക്കുറി ഉണ്ടാകില്ലെന്നാണ് വ്യക്തമായ സന്ദേശം.
10-ഓളം പാർട്ടികൾ ഉൾപ്പെടുന്ന ഇടതുമുന്നണിയിൽ, സിപിഐ, കേരള കോൺഗ്രസ് (എം), ജനതാദൾ (എസ്), കേരള കോൺഗ്രസ് (ബി) എന്നീ നാല് കക്ഷികൾക്ക് മാത്രമേ കാര്യമായ പരിഗണന ലഭിക്കുകയുള്ളൂ.
എൻസിപി, ആർജെഡി, കോൺഗ്രസ് (എസ്), ജനാധിപത്യ കേരള കോൺഗ്രസ്, കോവൂർ കുഞ്ഞുമോന്റെ ആർഎസ്പി തുടങ്ങിയ ചെറുകക്ഷികളുടെ സീറ്റുകൾ സിപിഎം തിരിച്ചെടുക്കുമെന്നാണ് സൂചന.
ചെറുകക്ഷികൾ സിപിഎം വോട്ടുകൾ കൊണ്ടാണ് ജയിക്കുന്നതെന്നും ഇത് പ്രാദേശിക തലത്തിൽ പാർട്ടി പ്രവർത്തകരിൽ അമർഷം സൃഷ്ടിക്കുകയാണെന്നും സിപിഎം വിലയിരുത്തുന്നു.
അതിനാലാണ് ജില്ലാ തല സീറ്റ് ചർച്ചകളിൽ കർശന നിലപാട് സ്വീകരിക്കാൻ സംസ്ഥാന നേതൃത്വം അനുമതി നൽകിയിരിക്കുന്നത്.
മുൻ തെരഞ്ഞെടുപ്പുകളിൽ കേരള കോൺഗ്രസ് (എം), എം.പി. വീരേന്ദ്രകുമാറിന്റെ പാർട്ടി തുടങ്ങിയവയ്ക്ക് നൽകിയ സീറ്റുകളിൽ സിപിഎമ്മിന് വലിയ നഷ്ടമുണ്ടായ അനുഭവവും ഇത്തവണ കടുപ്പിക്കാൻ കാരണമായി.
അതേസമയം, കേരള കോൺഗ്രസ് (ബി) നേതാവ് കെ.ബി. ഗണേഷ്കുമാറിന് എൻഎസ്എസുമായുള്ള ബന്ധവും കൊല്ലത്തെ സ്വാധീനവും പരിഗണിച്ച് വലിയ വെട്ടിക്കുറവ് ഉണ്ടാകില്ല.
ജനാധിപത്യ കേരള കോൺഗ്രസിന്റെ അടിത്തറ ദുർബലമായെങ്കിലും ആന്റണി രാജുവിനെ പൂർണമായും ഒഴിവാക്കരുതെന്ന നിലപാട് സിപിഎമ്മിനുണ്ട്. എന്നാൽ തൊണ്ടിമുതൽ തിരിമറി കേസിന്റെ വിധി അദ്ദേഹത്തിന് തിരിച്ചടിയായേക്കും.
യുഡിഎഫിൽ ഇതിന്റെ നേർവിപരീതമാണ് സ്ഥിതി. ഘടകകക്ഷികൾക്ക് അമിത പരിഗണന നൽകിയതിനെതിരെ കോൺഗ്രസിൽ ശക്തമായ പ്രതിഷേധം ഉയരുന്നു.
തിരുവനന്തപുരം കോർപ്പറേഷനിൽ സിറ്റിംഗ് സീറ്റുകൾ ആർഎസ്പിക്കും സിഎംപിക്കും നൽകിയതും, കോഴിക്കോട് ചില സീറ്റുകൾ സിഎംപിക്ക് വിട്ടതുമാണ് തർക്കത്തിന് കാരണമായത്.
സ്ഥാനാർത്ഥി പ്രഖ്യാപനവും പ്രചാരണവും ആരംഭിച്ചെങ്കിലും ഘട്ടത്തിലേക്ക് എത്തുന്നതിന് മുൻപ് പ്രശ്നങ്ങൾ പരിഹരിക്കാനാകുമെന്ന് കോൺഗ്രസ് നേതൃത്വം പ്രതീക്ഷിക്കുന്നു.
തദ്ദേശ തെരഞ്ഞെടുപ്പ് ഫലവും മുന്നണികളിലെ സീറ്റ് ധാരണകളും 2026-ലെ നിയമസഭാ തെരഞ്ഞെടുപ്പിന്റെ രാഷ്ട്രീയ ഭാവി നിർണ്ണയിക്കുമെന്ന വിലയിരുത്തലിലാണ് ഇരു മുന്നണികളും.
English Summary
As Kerala approaches local body elections, both LDF and UDF face internal unrest over seat sharing. The CPI(M) has decided to take a strict stance and is unlikely to accommodate smaller allied parties like RJD, NCP, Congress (S), Democratic Kerala Congress, and RSP, fearing a repeat of past seat losses. Major consideration will be limited to CPI, Kerala Congress (M), Janata Dal (S), and Kerala Congress (B). District committees have been permitted to adopt a firm approach, aiming to reclaim seats previously allotted to small allies.
ldf-udf-local-body-election-seat-sharing-crisis-kerala
Kerala, LDF, UDF, CPI(M), seat sharing, local body election, Kerala Congress, political crisis, alliance issues, CPM strategy
,){kind=link}