കുടുംബശ്രീ മിഷനിലും എറണാകുളം മെഡിക്കൽ കോളേജിലും ഒഴിവുകൾ; അപേക്ഷയും വാക്ക്-ഇൻ-ഇന്റർവ്യൂവും
തിരുവനന്തപുരം: കുടുംബശ്രീ സംസ്ഥാന മിഷനിൽ സ്റ്റേറ്റ് പ്രോഗ്രാം മാനേജർ (മൈക്രോ ഫിനാൻസ്) തസ്തികയിൽ കരാർ അടിസ്ഥാനത്തിൽ നിയമനത്തിന് അപേക്ഷ ക്ഷണിച്ചു.
അംഗീകൃത സർവകലാശാലയിൽ നിന്നുള്ള എം.ബി.എ / എം.എസ്.ഡബ്ല്യു / റൂറൽ ഡെവലപ്മെന്റ് ബിരുദാനന്തര ബിരുദം / പി.ജി.ഡി.എം / പി.ജി.ഡി.ആർ.എം / റൂറൽ മാനേജ്മെന്റ് പ്രത്യേക വിഷയമായ എം.കോം എന്നിവയാണ് യോഗ്യത.
നിങ്ങൾ ഈ ജോലി ചെയ്യുന്നവരാണെങ്കിൽ സൂക്ഷിക്കൂ….വരുന്ന വർഷങ്ങളിൽ ഈ 15 ജോലികൾ
പ്രവൃത്തിപരിചയവും പ്രായപരിധിയും
മൈക്രോ ഫിനാൻസ് മേഖലയിൽ കുറഞ്ഞത് ഏഴ് വർഷത്തെ പ്രവൃത്തിപരിചയം നിർബന്ധമാണ്.
സർക്കാർ അല്ലെങ്കിൽ പൊതുമേഖലാ സ്ഥാപനങ്ങളിൽ പ്രവൃത്തിപരിചയമുള്ളവർക്ക് മുൻഗണന നൽകും. 30.11.2025-ന് 45 വയസ് കവിയരുത്.
അപേക്ഷ സമർപ്പിക്കേണ്ട വിധം
താൽപ്പര്യമുള്ളവർ www.cmd.kerala.gov.in വഴി ഫെബ്രുവരി 5 വൈകിട്ട് 5 വരെ ഓൺലൈനായി അപേക്ഷ സമർപ്പിക്കാം.
എറണാകുളം മെഡിക്കൽ കോളേജിൽ ഫാർമസിസ്റ്റ് നിയമനം
എറണാകുളം സർക്കാർ മെഡിക്കൽ കോളേജ് ആശുപത്രിയിൽ കാസ്റ്റ് പദ്ധതിയുടെ കീഴിൽ ഫാർമസിസ്റ്റ് തസ്തികയിലേക്ക് താൽക്കാലിക നിയമനം നടത്തുന്നു.
ഡിപ്ലോമ ഇൻ ഫാർമസി / ബി.ഫാം / ഫാം ഡി യോഗ്യതയും കേരള സ്റ്റേറ്റ് ഫാർമസി കൗൺസിൽ രജിസ്ട്രേഷനും ഉള്ളവർക്ക് അപേക്ഷിക്കാം.
വാക്ക്-ഇൻ-ഇന്റർവ്യൂ 22-ന്
താൽപ്പര്യമുള്ളവർ വയസ്സ്, യോഗ്യത, പ്രവൃത്തിപരിചയം തെളിയിക്കുന്ന അസ്സൽ സർട്ടിഫിക്കറ്റുകളും പകർപ്പുകളും സഹിതം ജനുവരി 22-ന് രാവിലെ 11-ന് എറണാകുളം മെഡിക്കൽ കോളേജ് സി.സി.എം ഹാളിൽ നടക്കുന്ന വാക്ക്-ഇൻ-ഇന്റർവ്യൂവിൽ പങ്കെടുക്കണം.
രജിസ്ട്രേഷൻ രാവിലെ 10.30 മുതൽ 11 വരെ നടക്കും. സർക്കാർ/പൊതുമേഖലാ സ്ഥാപനങ്ങളിൽ ജോലി ചെയ്തവർക്ക് മുൻഗണന നൽകും.
English Summary:
Applications have been invited for the post of State Programme Manager (Micro Finance) on a contract basis at the Kudumbashree State Mission. Meanwhile, Ernakulam Government Medical College Hospital will conduct a walk-in interview on January 22 for temporary appointments to the post of Pharmacist.
