കെ.എസ്.ആർ.ടി.സി ബസ് ഇടിച്ച് എം.ബി.ബി.എസ് വിദ്യാർത്ഥി മരിച്ചു; ജോർദ്ദാനിൽ നിന്ന് നാട്ടിലെത്തിയ യുവാവിന് ദാരുണാന്ത്യം

കെ.എസ്.ആർ.ടി.സി ബസ് ഇടിച്ച് എം.ബി.ബി.എസ് വിദ്യാർത്ഥി മരിച്ചു; ജോർദ്ദാനിൽ നിന്ന് നാട്ടിലെത്തിയ യുവാവിന് ദാരുണാന്ത്യം

വെഞ്ഞാറമൂട്: കെ.എസ്.ആർ.ടി.സി ബസും ബൈക്കും കൂട്ടിയിടിച്ചുണ്ടായ അപകടത്തിൽ എം.ബി.ബി.എസ് വിദ്യാർത്ഥി മരിച്ചു. വെമ്പായം കന്യാകുളങ്ങര പോംകുന്ന് ഷാഹിൻ വില്ലയിൽ ഷിറാസ്ഖാൻ–സുമയ്യ ദമ്പതികളുടെ മകൻ ഷാഹിൻ (23) ആണ് മരിച്ചത്.

ജോർദ്ദാനിൽ മൂന്നാം വർഷ എം.ബി.ബി.എസ് പഠനം നടത്തിവരികയായിരുന്നു. യുദ്ധ സാഹചര്യത്തെ തുടർന്ന് ലഭിച്ച അവധിയിലായി ഒരു മാസം മുൻപാണ് ഷാഹിൻ നാട്ടിലെത്തിയത്.

ബുധനാഴ്ച രാത്രി ഏഴരയോടെ എം.സി റോഡിൽ കന്യാകുളങ്ങരയിലാണ് അപകടം സംഭവിച്ചത്. തിരുവനന്തപുരത്തേക്ക് പോകുകയായിരുന്ന ഫാസ്റ്റ് പാസഞ്ചർ കെ.എസ്.ആർ.ടി.സി ബസും എതിർദിശയിൽ വന്ന ബൈക്കും തമ്മിലാണ് കൂട്ടിയിടി ഉണ്ടായത്.

ഗുരുതരമായി പരുക്കേറ്റ ഷാഹിനെ ഉടൻ പട്ടത്തെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. മറ്റൊരു വാഹനത്തെ മറികടക്കാൻ ശ്രമിച്ച ബസ് എതിർവശത്തേക്ക് കയറി ബൈക്കിൽ ഇടിച്ചതാണെന്നാണ് പ്രാഥമിക വിവരം.

English Summary
A 23-year-old MBBS student died after his bike collided with a KSRTC bus in Venjaramoodu. He had recently returned from Jordan due to war-related leave. The accident reportedly occurred when the bus attempted to overtake another vehicle.