വൈദ്യുതി തടസ്സപ്പെട്ടത് അന്വേഷിക്കാൻ എത്തിയ മൂന്നംഗസംഘം കെഎസ്ഇബി ഓവർസിയറെ ഓഫീസിൽ കയറി മർദ്ദിച്ചതായും മുഖത്ത് അടിച്ചതായും പരാതി. പത്തനംതിട്ട വായ്പൂർ സെക്ഷനിലെ ഓവർസിയർ വിൻസെന്റ് ആണ് അക്രമണം നേരിട്ടത്. മല്ലപ്പള്ളി, കൊറ്റനാട്, ഏഴുമറ്റൂർ പഞ്ചായത്തുകളിൽ കാറ്റും മഴയും മൂലം മരങ്ങൾ വീണ് ശനിയാഴ്ച വൈകിട്ട് വൈദ്യുതി പോസ്റ്റുകൾ തകർന്നു വീണിരുന്നു. ഇതേ തുടർന്ന് ഈ പ്രദേശങ്ങളിൽ വൈദ്യുതി തടസ്സപ്പെട്ടു. ഇത് അന്വേഷിക്കാൻ എത്തിയവരാണ് ആക്രമണം നടത്തിയത്. ആക്രമണം നടത്തിയവർ എഴുമറ്റൂർ അരീക്കൽ സ്വദേശികൾ ആണെന്ന് തിരിച്ചറിഞ്ഞിട്ടുണ്ട്. KL – 28 -2913 വാഗണർ കാറിലാണ് മുഖത്തടിച്ച ആളുകൾ എത്തിയത്. മറുതലത്തിനിരയായ വിൻസന്റ് മല്ലപ്പള്ളി താലൂക്ക് ആശുപത്രിയിൽ ചികിത്സ തേടി.
Popular Categories
Previous article
Next article