നായാട്ടിന് പോയ അഭിഭാഷകൻ്റെ സ്കൂട്ടർ മറിഞ്ഞു; തോളത്ത് തൂക്കിയിട്ടിരുന്ന തോക്ക് പോട്ടി ദാരുണാന്ത്യം; സംഭവം കോട്ടയത്ത്
കോട്ടയം: നായാട്ടിനിടെ സ്കൂട്ടർ മറിഞ്ഞുണ്ടായ അപകടത്തിൽ തോളത്ത് തൂക്കിയിട്ടിരുന്ന തോക്കിൽ നിന്ന് അബദ്ധത്തിൽ വെടിയേറ്റ് അഭിഭാഷകൻ മരിച്ചു.
ഉഴവൂർ ഒക്കാട്ട് സ്വദേശിയും പാലാ ബാറിലെ അഭിഭാഷകനുമായ അഡ്വ. ജോബി ജോസഫ് (56) ആണ് മരിച്ചത്.
ഇന്നലെ രാത്രി പതിനൊന്നോടെയായിരുന്നു സംഭവം. ഉഴവൂർ പയസ്മൗണ്ട് നീരുട്ടി പ്രദേശത്ത് നായാട്ട് നടത്തുന്നതിനിടെ ജോബി സഞ്ചരിച്ചിരുന്ന സ്കൂട്ടർ നിയന്ത്രണം വിട്ട് മറിഞ്ഞു.
അപകടത്തിനിടയിൽ തോളത്ത് സൂക്ഷിച്ചിരുന്ന തോക്ക് പൊട്ടുകയും ചെവിയുടെ ഭാഗത്ത് ഗുരുതരമായി പരിക്കേൽക്കുകയും ചെയ്തു.
വെടിയൊച്ച കേട്ട് സമീപവാസികൾ സ്ഥലത്തെത്തിയെങ്കിലും അദ്ദേഹത്തിന്റെ ജീവൻ രക്ഷിക്കാനായില്ല.
തിരഞ്ഞെടുപ്പുമായി ബന്ധപ്പെട്ട നടപടികളുടെ ഭാഗമായി പൊലീസ് സ്റ്റേഷനിൽ ഹാജരാക്കിയിരുന്ന തോക്ക് ദിവസങ്ങൾക്ക് മുൻപാണ് ജോബി തിരിച്ചെടുത്തതെന്ന് പൊലീസ് അറിയിച്ചു.
കുറവിലങ്ങാട് പൊലീസ് സ്ഥലത്തെത്തി മേൽനടപടികൾ സ്വീകരിച്ചു.
ഭാര്യ: ഡോ. ഷിജി
മക്കൾ: ഐവിൻ, അന്നൂസ്, ജോസ്
English Summary
A lawyer died after an accidental gunshot injury when his scooter overturned during hunting in Kottayam district. The firearm, which was slung over his shoulder, discharged accidentally causing a fatal injury. Police have initiated further procedures.
kottayam-lawyer-dies-accidental-gunshot-hunting
Kottayam, Accidental Death, Hunting Accident, Lawyer Death, Gunshot Injury, Kerala News
