എറണാകുളം: ദമ്പതികളെ വീടിനുള്ളിൽ മരിച്ച നിലയിൽ കണ്ടെത്തി. എറണാകുളം കോതമംഗലം ഊന്നുകല്ലിലാണ് സംഭവം. ബേബി ദേവസ്യ (63), മോളി ബേബി (53) എന്നിവരാണ് മരിച്ചത്.
ബേബി തൂങ്ങിമരിച്ച നിലയിലും മോളിയെ കട്ടിലില് മരിച്ചുകിടക്കുന്ന നിലയിലുമായിരുന്നു. തിങ്കളാഴ്ച വൈകുന്നേരമാണ് ഇവരെ മരിച്ചനിലയില് കണ്ടെത്തിയത്.
ഏറെനേരമായി ദമ്പതികള് പുറത്തുവരാത്തതിനെ തുടര്ന്ന് സമീപവാസികള് നടത്തിയ പരിശോധനയിലാണ് മരണ വാർത്ത പുറത്തറിയുന്നത് ഊന്നുകല് പോലീസ് സ്ഥലത്തെത്തി തുടര്നടപടികള് സ്വീകരിച്ചു.
ലഡുവിനൊപ്പം ടൊമാറ്റോ സോസ് നൽകിയില്ല; മലയാളി ഹോട്ടല് ജീവനക്കാര്ക്ക് മര്ദനം
ചെന്നൈ: ലഡുവിനൊപ്പം ടൊമാറ്റോ സോസ് നല്കിയില്ലെന്ന് ആരോപിച്ച് മലയാളി ഹോട്ടല് ജീവനക്കാരെ മര്ദിച്ചതായി പരാതി. തമിഴ്നാട്ടിലെ കടലൂരിലാണ് സംഭവം.
കഴിഞ്ഞ രാത്രിയാണ് സംഭവം നടന്നത്. പ്രദേശവാസികളായ മൂന്ന് യുവാക്കളാണ് ജീവനക്കാരെ മര്ദിച്ചത്. തിരൂരങ്ങാടി സ്വദേശികളായ നിസാര്, താജുദ്ദീന്, വേങ്ങര സ്വദേശി സാജിദ് എന്നിവര്ക്കാണ് മര്ദനമേറ്റത്.
ഹോട്ടലിലെത്തിയ ചിലര് ലഡുവിനൊപ്പം ടൊമാറ്റോ സോസ് കിട്ടിയില്ലെന്ന് പറഞ്ഞ് തര്ക്കമുണ്ടാക്കിയെന്നാണ് ഹോട്ടൽ ജീവനക്കാർ പറയുന്നത്. യുവാക്കള് ലഹരി ഉപയോഗിച്ചതായി സംശയമുണ്ടെന്നും ഹോട്ടൽ ജീവനക്കാർ പറഞ്ഞു.
ഇതിനു പിന്നാലെ ഇരുമ്പ് പൈപ്പ് കൊണ്ട് ജീവനക്കാരെ ക്രൂരമായി ആക്രമിച്ചെന്നും പരാതിയില് പറയുന്നു. ആക്രമണത്തില് ജീവനക്കാരുടെ തലയ്ക്കും മുഖത്തുമാണ് പരിക്കേറ്റത്. ആക്രമണത്തിന്റെ സി.സി.ടി.വി ദൃശ്യങ്ങള് ഉൾപ്പെടെയാണ് പൊലീസിന് പരാതി നൽകിയത്.
