ജീവനൊടുക്കിയ യുവതിയുടെ ഫോൺസംഭാഷണം

ജീവനൊടുക്കിയ യുവതിയുടെ ഫോൺസംഭാഷണം

കൊല്ലം: കൊല്ലത്ത് ജീവനൊടുക്കിയ യുവതിയുടെ ഹൃദയഭേദകമായ ഫോൺസംഭാഷണം പുറത്ത്.

ശൂരനാട് സ്വദേശിനിയും 29 വയസ്സുകാരിയുമായ രേഷ്മയാണ് ആത്മഹത്യയ്‌ക്ക് മണിക്കൂറുകൾ മുമ്പ് അച്ഛനോട് വിളിച്ച് തന്റെ വേദനകളും പീഡനങ്ങളും തുറന്ന് പറഞ്ഞത്.

ഭർത്താവിന്റെയും ഭർതൃവീട്ടുകാരുടെയും നിരന്തരമായ മാനസിക പീഡനമാണ് സഹിക്കാൻ കഴിഞ്ഞില്ലെന്ന് രേഷ്മ ഫോൺ സംഭാഷണത്തിൽ പറയുന്നു.

കഴിഞ്ഞ വെള്ളിയാഴ്ചയാണ് പുന്നപ്രയിലെ ഭർതൃവീട്ടിൽ രേഷ്മ ജീവനൊടുക്കിയത്. 2018 മാർച്ചിലാണ് രേഷ്മയുടെ വിവാഹം നടന്നത്.

ഭർത്താവിന്റെ വഴിവിട്ട ബന്ധങ്ങളും നിരന്തരം നേരിടേണ്ടി വന്ന മാനസിക പീഡനവുമാണ് ആത്മഹത്യയ്ക്ക് പിന്നിലെന്നാണ് കുടുംബത്തിന്റെ ആരോപണം.

രേഷ്മയുടെ സംസ്‌കാരച്ചടങ്ങുകളിൽ ഭർതൃവീട്ടുകാർ പങ്കെടുത്തിരുന്നില്ല. പൊലീസ് സഹായത്തോടെയാണ് ആറുവയസ്സുള്ള മകനെ സംസ്‌കാരത്തിന് എത്തിച്ചതെന്ന് കുടുംബം പറഞ്ഞു.

ഫോൺ സംഭാഷണത്തിലെ ചില ഭാഗങ്ങളിൽ രേഷ്മ പറഞ്ഞത്:

“സന്തോഷത്തോടെ ജീവിക്കാനൊന്നും ഇവർ സമ്മതിക്കില്ല. എന്നെ വേണ്ടാത്ത ഒരാളോട് ഞാൻ എന്തിനാണ് കെഞ്ചിക്കെഞ്ചി നിൽക്കുന്നത്?

എന്റെ സ്വന്തം കാലിൽ നിൽക്കാൻ എനിക്ക് പറ്റും. കുഞ്ഞിനെ വളർത്താനും കഴിയും. ആണ് ഉണ്ടെങ്കിൽ മാത്രമേ സ്ത്രീക്ക് ജീവിക്കാൻ പറ്റൂവോ?

എനിക്കിനി സഹിക്കാൻ വയ്യ. അയാൾ മാറുമെന്ന് കരുതി കാത്തിരുന്നു, പക്ഷേ മാറിയില്ല.”

രേഷ്മയുടെ പിറന്നാളിനും കുടുംബജീവിതത്തിനുമൊക്കെ പുറമേത്തലയായിരുന്നുവെന്ന് അവൾ പറയുന്നുണ്ട് — “300 രൂപയുടെ കേക്ക് മേടിച്ചോണ്ട് വന്നപ്പോ ഞാനെത്ര സന്തോഷിച്ചെന്ന്…

പക്ഷേ അത് അയാളുടെ വെറും അഭിനയമായിരുന്നു,” എന്നും അവൾ ഫോൺസംഭാഷണത്തിൽ പറയുന്നു.

പോലീസ് അന്വേഷണം തുടരുകയാണ്. കുടുംബം ഭർത്താവിനെയും ഭർതൃവീട്ടുകാരെയും പ്രതികളാക്കണമെന്നാവശ്യപ്പെട്ടിട്ടുണ്ട്.

.1000 രൂപ കൊടുത്താൽ അയാൾക്ക് ഇഷ്ടംപോലെ പേരെ കിട്ടുമെന്നാണ് അയാളും അയാളുടെ കുടുംബവും പറയുന്നത് ഞാനാണ് പ്രശ്നമെന്നാ, ഞാനാണ് പിഴയെന്ന്. എനിക്കിനി സഹിക്കാൻ വയ്യ.

അയാൾ മാറുമെന്ന് ഞാൻ പ്രതീക്ഷിച്ചു. പക്ഷേ ഞാനെന്ത് ചെയ്യാനാ. അയാൾ മാറിയിട്ടില്ല. അയാളുടെ അച്ഛൻ എന്റെ മുഖത്ത് നോക്കി പറഞ്ഞതാ, അയാളുടെ ചെലവിലാ ഞാൻ നിൽക്കുന്നതെന്ന്. മടുത്തു.

എന്റെ പിറന്നാളിനൊക്കെ കേക്ക് മുറിച്ചപ്പോ ഞാനെത്ര മാത്രം സന്തോഷിച്ചെന്ന് അറിയാമോ? പക്ഷേ അതൊക്കെ അയാളുടെ വെറും അഭിനയമായിരുന്നു.

300 രൂപയുടെ കേക്ക് മേടിച്ചോണ്ട് വന്നപ്പോ. ഞാനെന്റെ. എനിക്ക് പറയാൻ അറിയത്തില്ലച്ഛാ..ആഹാരം കഴിക്കുന്നതിനുവരെ കണക്കല്ലേ ഇവിടെ

English Summary:

A young woman named Reshma (29) from Sooranad, Kollam, died by suicide at her husband’s house in Punnapra. A phone conversation with her father revealed she faced continuous mental harassment from her husband and in-laws. She expressed her anguish and desire to live independently with her child. The family alleges that her husband’s extramarital affairs and abuse led to her death. The in-laws did not attend her funeral, and her six-year-old son was brought to the rites with police help. Police have launched an investigation.