ഒടുവിൽ കണ്ടെത്തി; ട്രെയിനിലെ രക്ഷകൻ കൊച്ചുവേളിയിലുണ്ട്
തിരുവനന്തപുരം ∙ വര്ക്കലയിൽ ഓടുന്ന ട്രെയിനിൽ 19 കാരിയായ പെൺകുട്ടിയെ ആക്രമിച്ച കേസിൽ പ്രതിയെ കീഴ്പ്പെടുത്തി ‘ഹീറോ’യായി മാറിയ ബിഹാർ നളന്ദ സ്വദേശിയായ ശങ്കർ പാസ്വാൻ കൊച്ചുവേളിയിലാണ് താമസം.
കൊച്ചുവേളി ഇൻഡസ്ട്രിയൽ ഏരിയയിലെ ഒരു സ്ഥാപനത്തിലെ ജീവനക്കാരനാണ് അദ്ദേഹം.
സംസ്ഥാനത്ത് സംഭവം വലിയ വാർത്തയായിട്ടും ഇതിനെക്കുറിച്ച് അറിയാതെ തന്നെയായിരുന്നു ശങ്കർ എന്നതാണ് റെയിൽവേ പൊലീസ് പറയുന്നത്.
ഇതു കൊണ്ടാണ് പൊലീസ് അന്വേഷണത്തിന് മുന്നിൽ അദ്ദേഹം പ്രത്യക്ഷപ്പെട്ടില്ല.
സിസിടിവി ദൃശ്യങ്ങൾ കേന്ദ്രീകരിച്ചായിരുന്നു അന്വേഷണം. ട്രെയിനിൽ നിന്നും ഇറങ്ങിയവരുടെ വിശദാംശങ്ങൾ പരിശോധിക്കുമ്പോൾ, രക്ഷാപ്രവർത്തനം നടത്തിയ ചുവന്ന ഷർട്ട് ധരിച്ചയാൾ തിരുവനന്തപുരം സെൻട്രൽ സ്റ്റേഷനിൽ ഇറങ്ങിയതാണെന്ന് കണ്ടെത്തി.
തുടർന്ന്, ഓട്ടോറിക്ഷയിൽ കയറുന്ന ദൃശ്യവും ലഭിച്ചു. രാത്രി സവാരിയായതിനാൽ ചുവന്ന ഷർട്ട് ധരിച്ച ആളെ കൊച്ചുവേളിയിൽ ഇറക്കിയതായി ഓട്ടോ ഡ്രൈവർ ഓർത്തുവച്ചത് അന്വേഷണത്തിന് വഴിവെച്ചു.
കൊച്ചുവേളിയെ കേന്ദ്രീകരിച്ച പരിശ്രമങ്ങൾക്ക് ശേഷമാണ് ശങ്കറിനെ കണ്ടെത്തിയത്. പൊലീസ് ഇദ്ദേഹത്തിന്റെ മൊഴിയും രേഖപ്പെടുത്തി.
19 കാരിയായ ശ്രീക്കുട്ടിയെ ആക്രമിച്ച പ്രതി സുരേഷിനെ സാഹസികമായി കീഴ്പ്പെടുത്തുകയും ശ്രീക്കുട്ടിയുടെ സുഹൃത്ത് അർച്ചനയെ രക്ഷപ്പെടുത്തുകയും ചെയ്തത് ശങ്കറായിരുന്നു.
ചുവന്ന ഷർട്ട് ധരിച്ച രക്ഷകനെ കണ്ടെത്താൻ പൊലീസ് പരസ്യവും നൽകിയിരുന്നു.
പ്രതി ശ്രീക്കുട്ടിയെ തള്ളിയിട്ട ശേഷമുള്ള ആക്രമണശ്രമത്തിനിടെ അർച്ചനയെ വീണ്ടും ട്രെയിനിലേക്ക് ഒരുകൈ കൊണ്ട് വലിച്ചുകയറ്റുന്ന ദൃശ്യവും പ്രതിയെ കീഴ്പ്പെടുത്തുന്ന ദൃശ്യവും സിസിടിവിയിൽ വ്യക്തമായിരുന്നു.
English Summary
Shankar Paswan, a native of Nalanda in Bihar and a worker at an industrial unit in Kochuveli, has been identified as the man who heroically overpowered the accused who attacked a young woman on a moving train near Varkala. Although the incident received huge media attention in Kerala, Shankar was unaware of it, which is why he never came forward.
Railway Police traced him using CCTV footage. The investigation focused on passengers alighting from the Kerala Express, and CCTV visuals showed the man in a red shirt getting off at Thiruvananthapuram Central. An auto driver later confirmed dropping him at Kochuveli, which helped police locate Shankar.
He had rescued 19-year-old Sreekutty and saved her friend Archana from further assault by subduing the accused, Suresh. CCTV visuals of the brave act helped the police identify him.
kochuveli-shankar-train-attack-hero-identified
Thiruvananthapuram, Varkala, Train Attack, Hero Shankar Paswan, Railway Police, CCTV Investigation, Kerala News
