കേരളം ‘രോഗികളുടെ സംസ്ഥാനം’? 1000ൽ 186 പേർ ആശുപത്രിയിൽ – കാരണം ഇതാണ്!
കൊച്ചി: രാജ്യത്ത് ആശുപത്രിവാസത്തിന്റെ കാര്യത്തിൽ കേരളം ഒന്നാമതായി. National Statistical Office (NSO) പുറത്തിറക്കിയ ആരോഗ്യ സർവേ റിപ്പോർട്ട് പ്രകാരം 2025ൽ സംസ്ഥാനത്ത് ആശുപത്രിയിൽ പ്രവേശിപ്പിക്കപ്പെടുന്നവരുടെ നിരക്ക് രാജ്യത്ത് ഏറ്റവും ഉയർന്നതാണെന്ന് കണ്ടെത്തി.
60 വയസിന് മുകളിലുള്ളവരിൽ 1,000ൽ 186 പേർക്ക് ആശുപത്രിവാസം ആവശ്യമായി വന്നപ്പോൾ ദേശീയ ശരാശരി 81 മാത്രമാണ്. എല്ലാ പ്രായ വിഭാഗങ്ങളെയും പരിഗണിച്ചാലും സംസ്ഥാനങ്ങളിൽ കേരളം തന്നെ മുൻപന്തിയിലാണ്.
45 മുതൽ 59 വയസ് വരെ പ്രായമുള്ളവരിൽ 1,000ൽ 103 പേർ ആശുപത്രിയിൽ പ്രവേശിപ്പിക്കപ്പെട്ടപ്പോൾ, ദേശീയ ശരാശരി 41 മാത്രമാണ്. കുട്ടികളിലും ഈ വ്യത്യാസം വ്യക്തമാണ്—4 വയസിന് താഴെയുള്ളവരിൽ 1,000ൽ 128 പേർ, 5 മുതൽ 14 വരെ പ്രായക്കാർക്കിടയിൽ 1,000ൽ 53 പേർ ആശുപത്രിയിൽ പ്രവേശിപ്പിക്കപ്പെട്ടിട്ടുണ്ട്.
എന്നാൽ, ഈ ഉയർന്ന നിരക്ക് കേരളത്തിലെ ജനങ്ങളുടെ മോശം ആരോഗ്യത്തെ സൂചിപ്പിക്കുന്നതല്ലെന്നാണ് വിദഗ്ധർ വ്യക്തമാക്കുന്നത്. സംസ്ഥാനത്ത് സർക്കാർ-സ്വകാര്യ മേഖലകളിൽ മികച്ച ആരോഗ്യ സൗകര്യങ്ങളും ആശുപത്രികളുടെ ലഭ്യതയും കൂടുതലായതിനാൽ കൂടുതൽ ആളുകൾ ചികിത്സ തേടുന്നതാണ് പ്രധാന കാരണം.
അതോടൊപ്പം, പ്രായമായവരുടെ ശതമാനം കൂടുതലുള്ളതും ഹൃദ്രോഗം, പ്രമേഹം പോലുള്ള ജീവിതശൈലീ രോഗങ്ങളുടെ വർധനയും ആശുപത്രിവാസ നിരക്ക് ഉയരാൻ കാരണമാകുന്ന ഘടകങ്ങളാണ്.
മെച്ചപ്പെട്ട ആരോഗ്യബോധവും ഇൻഷുറൻസ് പദ്ധതികളുടെ ലഭ്യതയും കൂടുതൽ ആളുകളെ ചികിത്സ തേടാൻ പ്രേരിപ്പിക്കുന്നതായി ആരോഗ്യ വിദഗ്ധർ ചൂണ്ടിക്കാട്ടുന്നു.
English Summary
Kerala has the highest hospitalisation rate in India, according to a report by the National Statistical Office. In 2025, 186 out of 1,000 people aged above 60 required hospital care, compared to the national average of 81.
Experts say this does not indicate poor health but rather better healthcare infrastructure, higher awareness, and accessibility. An ageing population and lifestyle diseases also contribute to the higher rates.
kerala-tops-hospitalisation-rate-nso-repo
Kerala Health, NSO Report, Hospitalisation, India Health Data, Public Health, Medical News, Breaking News
