തദ്ദേശ തെരഞ്ഞെടുപ്പ്: പോസ്റ്റല്‍ ബാലറ്റ് വിതരണം ഇന്നുമുതല്‍; അപേക്ഷിക്കേണ്ട വിധം ഇങ്ങനെ

തിരുവനന്തപുരം: തദ്ദേശ തിരഞ്ഞെടുപ്പിനുള്ള പോസ്റ്റൽ ബാലറ്റ് വിതരണം ഇന്നു മുതൽ ആരംഭിച്ചു.

തെരഞ്ഞെടുപ്പ് ഡ്യൂട്ടിക്ക് നിയോഗിക്കപ്പെട്ട ഉദ്യോഗസ്ഥർക്ക് അവരുടെ വോട്ടവകാശം നഷ്ടപ്പെടാതെ ഉറപ്പാക്കാൻ സംസ്ഥാന തെരഞ്ഞെടുപ്പ് കമ്മീഷൻ പ്രത്യേക ക്രമീകരണങ്ങളാണ് ഏർപ്പെടുത്തിയിരിക്കുന്നത്.

ഇലക്ഷൻ ഡ്യൂട്ടിക്ക് നിയോഗിച്ചിരിക്കുന്നതിന്റെ ശരി പകർപ്പും നിഷ്കൃത ഫോറവും സമർപ്പിച്ചാൽ മാത്രം പോസ്റ്റൽ ബാലറ്റ് ലഭിക്കും.

ത്രിതല പഞ്ചായത്തുകളിൽ വോട്ട് ചെയ്യേണ്ടവർക്ക് മൂന്ന് പോസ്റ്റൽ ബാലറ്റ് പേപ്പറുകളും, മുനിസിപ്പാലിറ്റി, കോർപ്പറേഷൻ മേഖലകളിൽ ഡ്യൂട്ടി ചെയ്യുന്നവർക്ക് ഓരോ പോസ്റ്റൽ ബാലറ്റ് പേപ്പറും നൽകും.

പോളിങ് ഡ്യൂട്ടിയിലുള്ളവർക്ക് അപേക്ഷ സ്വീകരിക്കുന്നതിനായി പ്രത്യേകം സൗകര്യം ഏർപ്പെടുത്തി എന്ന് കമ്മീഷൻ അറിയിച്ചു.

ഡ്യൂട്ടി ചുമതല നൽകിയ ഉത്തരവുകൾ ജില്ലാതലത്തിൽ ബന്ധപ്പെട്ട ഉദ്യോഗസ്ഥർ സമയബന്ധിതമായി നൽകണമെന്നും നിർദേശമുണ്ട്.

ആർക്കെല്ലാം അർഹത?

പോളിങ് സ്റ്റേഷനിലുള്ള ഉദ്യോഗസ്ഥരെ കൂടാതെ, തെരഞ്ഞെടുപ്പുമായി ബന്ധപ്പെട്ട വിവിധ ചുമതലകളിൽ ഏർപ്പെടുന്ന ജീവനക്കാർക്കും പോസ്റ്റൽ ബാലറ്റ് ലഭിക്കും.

ഇവയിൽ സംസ്ഥാന തെരഞ്ഞെടുപ്പ് കമ്മീഷൻ ജീവനക്കാർ, ജില്ലാ തെരഞ്ഞെടുപ്പ് ഓഫീസ് ജീവനക്കാർ, പഞ്ചായത്ത്/മുനിസിപ്പാലിറ്റി/കോർപ്പറേഷൻ ഇലക്ഷൻ വിഭാഗം ജീവനക്കാർ, വരണാധികാരി ഓഫീസ് ജീവനക്കാർ,

നിരീക്ഷകർ, സെക്ടറൽ ഓഫീസർമാർ, ആന്റി-ഡീഫെയ്‌സ്‌മെന്റ് സ്‌ക്വാഡ് ഉദ്യോഗസ്ഥർ, സുരക്ഷാ ചുമതലകളിലുള്ള പൊലീസ് ഉദ്യോഗസ്ഥർ തുടങ്ങിയവർ ഉൾപ്പെടുന്നു.

സാമ്പത്തിക ഇടപാടുകളില്‍ എപ്പോഴൊക്കെ പിന്‍ നമ്പര്‍ നല്‍കണം? സൈബര്‍ തട്ടിപ്പുകളില്‍ പൊലീസ് മുന്നറിയിപ്പ്

എങ്ങനെ അപേക്ഷിക്കാം?

പോസ്റ്റൽ ബാലറ്റിനായി ഫാറം 15 ൽ അപേക്ഷ തയ്യാറാക്കി ബന്ധപ്പെട്ട ഭരണാധികാരിക്ക് നൽകണം. ഫാറം 15 വരണാധികാരിയുടെ ഓഫീസിലോ സംസ്ഥാന തെരഞ്ഞെടുപ്പ് കമ്മീഷന്റെ വെബ്‌സൈറ്റിലോ ലഭ്യമാണ്.

അപേക്ഷ വോട്ടെടുപ്പ് നടക്കുന്നതിന് കുറഞ്ഞത് ഏഴ് ദിവസം മുമ്പ് ലഭിക്കണം; നേരിട്ട് സമർപ്പിക്കുന്നവർ തങ്ങളുടെ ഐഡന്റിറ്റി ഉറപ്പാക്കണം.

ത്രിതല പഞ്ചായത്തുകൾക്കുള്ള അപേക്ഷകൾ ബ്ലോക്ക് പഞ്ചായത്ത് വരണാധികാരികൾ മുഖേനയാണ് പരിഗണിക്കുക.

ഗ്രാമ, ബ്ലോക്ക്, ജില്ലാ പഞ്ചായത്തുകൾക്കായി മൂന്ന് ഫോറങ്ങളും ഒരു കവറിൽ ഉൾപ്പെടുത്തി ഏത് വരണാധികാരിക്കും നൽകിയാൽ മതി.

അതുപോലെ, പോസ്റ്റൽ ബാലറ്റ്‌ പേപ്പറുകളും ഫാറം 16, 17, 18, 19 എന്നിവയും ചേർത്ത് ഒരു കവറിലാക്കി അപേക്ഷകനു നൽകും. നേരിട്ട് കൈമാറുമ്പോഴും തിരിച്ചറിയൽ ഉറപ്പാക്കണം.

English Summary

Postal ballots for officials on election duty in Kerala local body polls will be distributed from today. Eligible officers must submit Form 15 with proof of election deployment. Officials from polling stations, election offices, observers, police on election duty, and special squads are eligible. Panchayat-level voters will receive three ballots, while municipal and corporation officials will receive one.