തദ്ദേശ തെരഞ്ഞെടുപ്പ്; സൂക്ഷ്മപരിശോധന ഇന്ന്

തദ്ദേശ തെരഞ്ഞെടുപ്പ്; സൂക്ഷ്മപരിശോധന ഇന്ന്

തിരുവനന്തപുരം ∙ തദ്ദേശസ്വയംഭരണ തിരഞ്ഞെടുപ്പിനുള്ള നാമനിർദ്ദേശ പത്രിക സമർപ്പണം ഇന്നലെ പൂർത്തിയായി. സംസ്ഥാനത്തെ 23,612 വാർഡുകൾക്കായി മൊത്തം 1,08,580 സ്ഥാനാർഥികൾ പത്രിക നൽകി.

ഇതിൽ 51,352 പേർ പുരുഷൻമാരും 57,227 പേർ വനിതകളും ഉൾപ്പെടുന്നു. ആകെ 1,64,427 സെറ്റ് നാമനിർദ്ദേശ പത്രികകളാണ് സമർപ്പിക്കപ്പെട്ടത്.
ഇന്നലെ മാത്രം 45,652 സ്ഥാനാർഥികളാണ് പത്രിക സമർപ്പിച്ചത്.

ജില്ലവാരി പരിശോധിക്കുമ്പോൾ മലപ്പുറം ജില്ലയിലാണ് ഏറ്റവും കൂടുതൽ സ്ഥാനാർഥികൾ— 13,595. തുടർന്ന് തൃശൂർ (11,079), പാലക്കാട് (10,372), എറണാകുളം (10,092). ഏറ്റവും കുറവ് നാമനിർദ്ദേശം ലഭിച്ചത് വയനാട്ടിൽ— 3,180.

മറ്റ് ജില്ലകളിലെ പത്രിക സമർപ്പണം:

കോഴിക്കോട് — 9,977

തിരുവനന്തപുരം — 8,625

കൊല്ലം — 7,141

പത്തനംതിട്ട — 4,164

ആലപ്പുഴ — 7,210

കോട്ടയം — 6,276

ഇടുക്കി — 4,257

കണ്ണൂർ — 8,238

കാസർകോട് — 4,374

സൂക്ഷ്മപരിശോധന ഇന്ന്

നാമനിർദ്ദേശ പത്രികകളുടെ സൂക്ഷ്മപരിശോധന ഇന്ന് രാവിലെ 10 മണിമുതൽ ബന്ധപ്പെട്ട വരണാധികാരികൾ നടത്തും. സ്ഥാനാർത്ഥിക്കൊപ്പം തിരഞ്ഞെടുപ്പ് ഏജന്റ്, നിർദേശകൻ, കൂടാതെ സ്ഥാനാർത്ഥി എഴുതി നിശ്ചയിച്ച ഒരാൾക്കു കൂടി ഹാജരാകാം.

ഒരേ സ്ഥാനാർത്ഥിക്ക് ഒന്നിലധികം പത്രികകൾ സമർപ്പിച്ചിട്ടുണ്ടെങ്കിൽ അവയെല്ലാം ഒരുമിച്ചാണ് പരിശോധിക്കുക. സ്വീകരിക്കപ്പെട്ട നാമനിർദ്ദേശങ്ങളുടെ പട്ടിക പിന്നീട് റിട്ടേണിംഗ് ഓഫീസർ പ്രസിദ്ധീകരിക്കും.

നാലു വാർഡുകളിൽ എൽഡിഎഫിന് എതിരില്ല

കണ്ണൂർ ജില്ലയിലെ മലപ്പട്ടം ഗ്രാമപഞ്ചായത്തിലും ആന്തൂർ നഗരസഭയിലും നാല് വാർഡുകളിൽ എൽഡിഎഫ് സ്ഥാനാർത്ഥികൾക്ക് എതിരില്ല.
മലപ്പട്ടം പഞ്ചായത്തിൽ:

5ാം വാർഡ് (അടുവാപ്പുറം നോർത്ത്) — ഐ.വി. ഒതേനൻ

6ാം വാർഡ് — സി.കെ. ശ്രേയ

ഈ വാർഡുകളിൽ മറ്റാരും പത്രിക സമർപ്പിച്ചിരുന്നില്ല.

ആന്തൂർ നഗരസഭയിൽ:

മൊറാഴ വാർഡ് — കെ. രജിത

പൊടിക്കുണ്ട്വാർഡ് — കെ. പ്രേമരാജൻ

ഇന്നത്തെ സൂക്ഷ്മപരിശോധനയ്ക്ക് ശേഷം ഇവർ വിജയികളായി പ്രഖ്യാപിക്കപ്പെടും.

ആന്തൂർ നഗരസഭയിൽ എൽഡിഎഫിന് പ്രതിപക്ഷമില്ല; മലപ്പട്ടം ഗ്രാമപഞ്ചായത്തും സിപിഐഎം ശക്തികേന്ദ്രമാണ്.

English Summary

Nomination submission for the Kerala local body elections has concluded, with 1,08,580 candidates filing papers for 23,612 wards. A total of 1,64,427 nomination sets were submitted, including over 45,000 on the final day alone. Malappuram recorded the highest number of candidates, while Wayanad had the least.
Scrutiny of nomination papers will begin today at 10 AM by returning officers.
In four wards—two in Malappattom panchayat and two in Anthoor municipality—LDF candidates stand unopposed and are set to be declared elected after scrutiny.

kerala-local-body-election-nominations-scrutiny-ldf-unopposed

Kerala elections, Local body polls, Nomination scrutiny, LDF, Malappuram, Anthoor, Election news, Kerala politics