ഇന്ന് ബജറ്റ്: ജനങ്ങൾ കാത്തിരുന്ന ‘കൈനിറയെ’ പ്രഖ്യാപനങ്ങൾ വരുമോ? പെൻഷനും ശമ്പളവും കൂടുമെന്ന് സൂചന

തിരുവനന്തപുരം: കേരളത്തിന്റെ സാമ്പത്തിക ഭാവി നിർണ്ണയിക്കുന്ന സുപ്രധാനമായ സംസ്ഥാന ബജറ്റ് ഇന്ന് നിയമസഭയിൽ.

രണ്ടാം പിണറായി സർക്കാരിന്റെ അവസാന പൂർണ്ണ ബജറ്റും എൽഡിഎഫ് ഭരണത്തിലെ തുടർച്ചയായ ആറാം ബജറ്റും ഇന്ന് രാവിലെ ഒമ്പതിന് ധനമന്ത്രി കെ.എൻ. ബാലഗോപാൽ അവതരിപ്പിക്കും.

വരാനിരിക്കുന്ന നിയമസഭാ തെരഞ്ഞെടുപ്പ് മുന്നിൽക്കണ്ട് വൻ പ്രഖ്യാപനങ്ങളാണ് ജനങ്ങൾ പ്രതീക്ഷിക്കുന്നത്

ശമ്പളവും പെൻഷനും: ജീവനക്കാർക്ക് ലോട്ടറി അടിക്കുമോ?

സർക്കാർ ജീവനക്കാർ ഏറെ നാളായി കാത്തിരിക്കുന്ന ശമ്പള പരിഷ്കരണ പ്രഖ്യാപനം ഈ ബജറ്റിലുണ്ടാകുമെന്നാണ് സൂചന.

എന്നാൽ ഇതിനേക്കാൾ വലിയ സർപ്രൈസ് കാത്തിരിക്കുന്നത് പെൻഷൻ മേഖലയിലാണ്. നിലവിലെ പങ്കാളിത്ത പെൻഷന് പകരം,

ജീവനക്കാർക്ക് കൂടുതൽ സുരക്ഷിതത്വം നൽകുന്ന ‘അഷ്വേർഡ് പെൻഷൻ’ പദ്ധതി ഈ ബജറ്റിലൂടെ യാഥാർത്ഥ്യമായേക്കും.

ക്ഷേമ പെൻഷനും വോട്ടർമാരും: ജനപ്രിയ പ്രഖ്യാപനങ്ങൾ വരുന്നു

സാധാരണക്കാരെ കയ്യിലെടുക്കാൻ ക്ഷേമ പെൻഷനുകളിൽ വർദ്ധനവോ അല്ലെങ്കിൽ കുടിശ്ശിക തീർക്കാനുള്ള കൃത്യമായ പദ്ധതികളോ ധനമന്ത്രി പ്രഖ്യാപിച്ചേക്കാം.

‘വികസനവും ക്ഷേമവും’ ഒരുപോലെ കൊണ്ടുപോകുന്ന ബജറ്റായിരിക്കും ഇതെന്ന് മന്ത്രി തന്നെ സൂചിപ്പിച്ചു കഴിഞ്ഞു.

കേന്ദ്രത്തിന്റെ സാമ്പത്തിക നിയന്ത്രണങ്ങൾക്കിടയിലും സാധാരണക്കാരന്റെ പോക്കറ്റ് നിറയ്ക്കുന്ന പ്രഖ്യാപനങ്ങൾ ഉണ്ടാകുമോ എന്നാണ് ഏവരും ഉറ്റുനോക്കുന്നത്.

വിഴിഞ്ഞവും വികസനവും: കേരളത്തിന്റെ പുതിയ കുതിപ്പ്

സംസ്ഥാനത്തിന്റെ മുഖച്ഛായ മാറ്റുന്ന വിഴിഞ്ഞം അന്താരാഷ്ട്ര തുറമുഖത്തിന്റെ അനുബന്ധ വികസനത്തിന് വലിയ പ്രാധാന്യം ബജറ്റിൽ ലഭിക്കും.

വരാനിരിക്കുന്ന അതിവേഗ പാതകൾ ഉൾപ്പെടെയുള്ള വൻകിട പദ്ധതികൾക്കായി പ്രത്യേക ഫണ്ട് നീക്കിവെച്ചേക്കും.

കേരളത്തിൽ എൻഐഎയുടെ മിന്നൽ പരിശോധന: പിഎഫ്ഐയുടെ രഹസ്യ കേന്ദ്രങ്ങളിൽ റെയ്ഡ്, ആറ് കൊടുംകുറ്റവാളികളെ തേടി ഏജൻസി

വികസനത്തിനൊപ്പം തന്നെ അടിസ്ഥാന സൗകര്യ മേഖലയിൽ വലിയ കുതിച്ചുചാട്ടമാണ് സർക്കാർ ലക്ഷ്യമിടുന്നത്.

കടം പെരുകുന്നു, പക്ഷേ പ്രതീക്ഷ കൈവിടാതെ…

2024-25 വർഷത്തെ സാമ്പത്തിക അവലോകന റിപ്പോർട്ട് പ്രകാരം സംസ്ഥാനത്തിന്റെ വരുമാനത്തിനൊപ്പം ചെലവും കടവും വർദ്ധിച്ചിട്ടുണ്ട്.

കേന്ദ്ര സർക്കാരിന്റെ സാമ്പത്തിക ഉപരോധത്തെ പഴിചാരിക്കൊണ്ട് തന്നെ, പ്രതിസന്ധികൾക്കിടയിലും പുതിയ വരുമാന മാർഗ്ഗങ്ങൾ കണ്ടെത്താനുള്ള ശ്രമത്തിലായിരിക്കും ധനമന്ത്രി.

English Summary

Finance Minister KN Balagopal is set to present the final budget of the second LDF government today at 9 AM. With the assembly elections on the horizon, the budget is expected to feature several populist measures, including a shift from the NPS to an “Assured Pension Scheme” and potential salary revisions for government employees. Despite financial hurdles and rising debt mentioned in the Economic Review, the focus remains on balancing welfare schemes with infrastructure projects like the Vizhinjam port expansion and high-speed rail corridors.