പകയുടെ കനലടങ്ങിയില്ല; മുൻഭാര്യയുടെ ഭർത്താവിന് നേരെ ആക്രമണം, യുവാവ് പിടിയിൽ!
ആലപ്പുഴ: വർഷങ്ങൾക്കുമുമ്പ് സ്വന്തം ഭാര്യയുമായി ഒളിച്ചോടി വിവാഹം ചെയ്തയാളെ യുവാവ് ആക്രമിച്ച സംഭവം അരൂരിൽ. അരൂർ സ്വദേശിയായ സജിത്താണ് മുൻഭാര്യയുടെ ഇപ്പോഴത്തെ ഭർത്താവായ എരമല്ലൂർ സ്വദേശി അശ്വപ്രസാദിനെ ആക്രമിച്ചത്.
കഴിഞ്ഞ 24-ാം തീയതി രാവിലെ അരൂർ തൃപ്തി ഹോട്ടലിന് സമീപത്തുവെച്ചാണ് സംഭവം. റോഡിൽവെച്ച് മുൻഭാര്യയേയും അശ്വപ്രസാദിനെയും കണ്ട സജിത് പ്രകോപിതനായി പരിഹാസപരമായ പരാമർശങ്ങൾ നടത്തി. തുടർന്ന് വാക്കേറ്റം രൂക്ഷമാവുകയും സംഘർഷത്തിലേക്ക് നീങ്ങുകയും ചെയ്തു.
സംഘർഷത്തിനിടെ അശ്വപ്രസാദിന്റെ കൈക്ക് ഗുരുതരമായി പരുക്കേറ്റു. ഇയാളെ സമീപത്തെ ആശുപത്രിയിൽ പ്രവേശിപ്പിച്ച് ചികിത്സ തുടരുകയാണ്.
സംഭവവുമായി ബന്ധപ്പെട്ട് സജിത്തിനെ പൊലീസ് അറസ്റ്റ് ചെയ്തു.
alappuzha-assault-ex-husband-arrest
ആലപ്പുഴ, അരൂർ, ആക്രമണം, അറസ്റ്റ്, കേരളം, ക്രൈം വാർത്ത
