വോട്ട് ‘ഫസ്റ്റ്’, വിവാഹം ‘നെക്സ്റ്റ്’! വൈറലായി ഒരു വോട്ട്
കൽപ്പറ്റ: ജീവിതത്തിലെ ഏറ്റവും തിരക്കേറിയ ദിനമായ വിവാഹദിനത്തിലും വോട്ട് ചെയ്യാനുള്ള ഉത്തരവാദിത്തം മറക്കാതെ കല്യാണവേഷത്തിൽ തന്നെ പോളിംഗ് ബൂത്തിലെത്തി വോട്ട് ചെയ്ത് യുവതി ശ്രദ്ധനേടി. മേപ്പാടി ഹയർ സെക്കൻഡറി സ്കൂളിലെ 191-ാം നമ്പർ ബൂത്തിലാണ് സംഭവം.
അഖില ആന്റണി മൈക്കിൾ ആണ് വിവാഹച്ചടങ്ങുകൾക്ക് മുമ്പ് തന്നെ വോട്ട് രേഖപ്പെടുത്തിയത്. തിരക്കിൽ വോട്ട് ചെയ്യാൻ കഴിയാതെ പോകുമെന്ന ആശങ്കയിൽ നേരത്തെ തന്നെ ബൂത്തിലെത്തുകയായിരുന്നു.
വെള്ള നിറത്തിലുള്ള വെഡ്ഡിംഗ് ഗൗണും മേക്കപ്പുമായെത്തിയ അഖിലയുടെ സാന്നിധ്യം ബൂത്തിൽ ശ്രദ്ധാകേന്ദ്രമായി. വിവാഹദിനം ആയാലും വോട്ട് നഷ്ടപ്പെടരുതെന്ന ഉറച്ച നിലപാടാണ് അവരെ ഈ തീരുമാനം എടുക്കാൻ പ്രേരിപ്പിച്ചത്.
ജീവിതത്തിലെ പ്രധാനപ്പെട്ട നിമിഷത്തിലും സമ്മതിദാനാവകാശം വിനിയോഗിച്ച അഖില, ഉത്തരവാദിത്തമുള്ള വോട്ടറെന്ന നിലയിൽ മറ്റുള്ളവർക്ക് മാതൃകയായി.
English Summary
A bride in Kerala cast her vote in full wedding attire before heading to her ceremony, setting an example of responsible citizenship.
