താക്കോൽ ചെടിച്ചട്ടിയിൽ വെച്ച് പള്ളിയിൽ പോയി; കട്ടപ്പനയിൽ വീട് തുറന്ന് 16 ലക്ഷം രൂപ കവർന്നു; അഞ്ഞൂറിന്റെ കെട്ടുകൾ മാത്രം കൊണ്ടുപോയി; ഇൻസൈഡർ ജോബ് എന്ന് സംശയം; ആസൂത്രിത നീക്കവുമായി മോഷ്ടാവ്
കട്ടപ്പന: ഇടുക്കി ജില്ലയിലെ കട്ടപ്പന പുളിയൻമല റോഡിൽ വീട്ടുകാർ പള്ളിപ്പെരുന്നാളിൽ പങ്കെടുക്കാൻ പോയ സമയത്ത് നടന്ന മോഷണത്തിൽ 16 ലക്ഷം രൂപ നഷ്ടപ്പെട്ടു. സ്ഥാപനവും വീടും ഒരേ കെട്ടിടത്തിലാണ് പ്രവർത്തിച്ചിരുന്നത്.
സംഭവദിവസം സ്ഥാപനത്തിന്റെ ഷട്ടർ ഉയർത്തിയാണ് മോഷ്ടാവ് അകത്ത് കയറിയത്. തുടർന്ന് മുകളിലെ നിലയിൽ ഉള്ള വീടിന്റെ ഭാഗത്തേക്ക് എത്തി, താക്കോൽ ഉപയോഗിച്ച് വാതിൽ തുറന്നശേഷം അകത്ത് സൂക്ഷിച്ചിരുന്ന അഞ്ഞൂറ് രൂപ നോട്ടുകളുടെ കെട്ടുകളാണ് ഇയാൾ കവർന്നത്.
കൂടുതൽ പണം അവിടെ ഉണ്ടായിരുന്നുവെങ്കിലും, അഞ്ഞൂറ് രൂപയുടെ കെട്ടുകൾ മാത്രമാണ് എടുത്തത്. മറ്റ് വിലപിടിപ്പുള്ള വസ്തുക്കൾ ഒന്നും മോഷണം പോയിട്ടില്ല.
14-ാം തീയതി രാത്രി 8.30ഓടെ വീട്ടുകാർ താക്കോൽ ചെടിച്ചട്ടിയിൽ ഒളിപ്പിച്ചുവച്ച് പള്ളിപ്പെരുന്നാളിലേക്ക് പോയിരുന്നു. മടങ്ങിയെത്തിയപ്പോഴും അസാധാരണമായ ഒന്നും ശ്രദ്ധയിൽപ്പെട്ടില്ല.
രണ്ട് ദിവസം കഴിഞ്ഞ്, 16-ാം തീയതിയാണ് പണം നഷ്ടപ്പെട്ട വിവരം മനസ്സിലായത്.
തുടർന്ന് സി.സി.ടി.വി ദൃശ്യങ്ങൾ പരിശോധിച്ചതിൽ, മോഷണം നടന്നത് വീട്ടുകാർ പെരുന്നാളിൽ പോയ സമയത്താണെന്ന് വ്യക്തമായി. ദൃശ്യങ്ങളിൽ മുഖം മറച്ച നിലയിലായിരുന്നു മോഷ്ടാവ്.
വിരലടയാളം പതിയാതിരിക്കാനായി കൈയിൽ ഗ്ലൗസ് ധരിച്ചിരുന്നതും, ശരീരഭാഷ തിരിച്ചറിയാനാവാത്ത വിധത്തിലുള്ള വസ്ത്രങ്ങൾ ധരിച്ചതും കാണുന്നു.
വീടിന്റെയും സമീപ സ്ഥാപനത്തിന്റെയും ക്രമീകരണം നന്നായി അറിയാവുന്ന ആളുകളുടെ പ്രവർത്തിയാകാമെന്നാണ് പോലീസിന്റെ പ്രാഥമിക നിഗമനം. സംഭവത്തെ തുടർന്ന് കട്ടപ്പന പോലീസ് പ്രത്യേക സ്ക്വാഡ് രൂപീകരിച്ച് അന്വേഷണം ശക്തമാക്കിയിട്ടുണ്ട്.
English Summary
A burglary at a house-cum-establishment on Puliyanmala Road in Kattappana, Idukki, resulted in a loss of ₹16 lakh. The theft occurred while the family was attending a church festival. The accused allegedly entered by lifting the shop shutter and accessed the upstairs residence using a hidden key. Only bundles of ₹500 notes were stolen, though more cash was reportedly present. CCTV footage shows the suspect wearing a mask and gloves to avoid identification. Police suspect someone familiar with the premises and have formed a special squad to investigate.
kattappana-puliyanmala-road-16-lakh-burglary
Kattappana Theft, Idukki Crime, Puliyanmala Road Burglary, Kerala Crime News, CCTV Footage, Police Investigation
