പ്രീ-വെഡിംഗ് ഷൂട്ടിനിടെ ക്രൂരത! ഫോട്ടോഗ്രാഫർമാരെ മർദിച്ച് ക്യാമറ തകർത്തു; 7 പേർ അറസ്റ്റിൽ; ആക്രമണം ക്ഷേത്രത്തിൽ ചെരുപ്പിട്ടു കയറിയതിന്
ബംഗളൂരു: കർണാടകയിലെ ഹാസൻ ജില്ലയിൽ പ്രീ-വെഡിംഗ് ഷൂട്ടിനിടെ ഫോട്ടോഗ്രാഫർമാർക്ക് നേരെ ആക്രമണം. ബെട്ടാഡ ഭൈരവേശ്വര ക്ഷേത്രപരിസരത്താണ് സംഭവം നടന്നത്.
ക്ഷേത്രത്തിൽ ചെരുപ്പിട്ട് പ്രവേശിച്ചതായി ആരോപിച്ച് ഒരു സംഘം ആളുകൾ ഫോട്ടോഗ്രാഫർമാരുമായി തർക്കം തുടങ്ങുകയായിരുന്നു. ക്ഷേത്രത്തിനുള്ളിൽ ഫോട്ടോഗ്രാഫി അനുവദിക്കില്ലെന്നും ഇവർ വാദിച്ചു. വാക്കുതർക്കം പെട്ടെന്ന് തന്നെ സംഘർഷത്തിലേക്ക് മാറി, ഫോട്ടോഗ്രാഫർമാരെ ക്രൂരമായി മർദിച്ചു.
ആക്രമണത്തിൽ പരിക്കേറ്റ ഫോട്ടോഗ്രാഫർമാരായ നവി, നന്ദൻ എന്നിവരെ സമീപത്തെ താലൂക്ക് ആശുപത്രിയിൽ പ്രവേശിപ്പിച്ചു. അക്രമികൾ ഇവരുടെ ഒരു ക്യാമറയും തകർത്തു.
സംഭവവുമായി ബന്ധപ്പെട്ട് ആഷി, പ്രശാന്ത്, രക്ഷ, അരവിന്ദ്, ഉചിത്, പ്രജ്ജ്വൽ, നിശാന്ത് എന്നിവരടങ്ങിയ ഏഴ് പേരെ പൊലീസ് അറസ്റ്റ് ചെയ്തു. പ്രതികൾക്കെതിരെ കേസ് രജിസ്റ്റർ ചെയ്തതായും അന്വേഷണം പുരോഗമിക്കുകയാണെന്നും പൊലീസ് അറിയിച്ചു.
English Summary
Photographers were assaulted during a pre-wedding shoot at a temple in Karnataka’s Hassan district. Seven people have been arrested in connection with the attack.
