തിയറ്ററിനുള്ളിൽ പെൺകുട്ടിയെ ഉപദ്രവിക്കാൻ ശ്രമം; പ്രതിയെ ഓടിച്ചിട്ട് പിടിച്ച് മർദ്ദിച്ച് പെൺകുട്ടിയുടെ അച്ഛൻ!
കാൺപൂർ: സിനിമാ പ്രദർശനത്തിനിടെ പെൺകുട്ടിയെ ഉപദ്രവിക്കാൻ ശ്രമിച്ച യുവാവിനെ പെൺകുട്ടിയുടെ അച്ഛൻ പിടികൂടി മർദ്ദിച്ച സംഭവം ഉത്തർപ്രദേശിലെ കാൺപൂരിൽ. റാവത്ത്പൂർ പ്രദേശത്തെ ഗുരുദേവ് പാലസ് ടാക്കീസിലാണ് സംഭവം നടന്നത്.
‘ധുരന്ധർ 2’ സിനിമ പ്രദർശിപ്പിക്കുമ്പോൾ, പെൺകുട്ടിയുടെ സമീപസീറ്റിലിരുന്ന യുവാവ് നിരന്തരം ശല്യം ചെയ്യാൻ ശ്രമിച്ചതായി ആരോപണം. അസ്വസ്ഥത വർധിച്ചതോടെ പെൺകുട്ടി ധൈര്യത്തോടെ പ്രതികരിക്കുകയും ബഹളം വെക്കുകയും ചെയ്തു.
സംഭവത്തിന് പിന്നാലെ തിയറ്ററിന് പുറത്തേക്ക് വന്ന പ്രതിയെ പെൺകുട്ടിയുടെ പിതാവ് പിടികൂടി മർദ്ദിച്ചു. തുടർന്ന് ഇയാളെ പൊലീസിന് കൈമാറുകയായിരുന്നു. ഇതിനിടെ ജനക്കൂട്ടം പ്രതിയെ ചോദ്യം ചെയ്യുകയും മർദ്ദിക്കുകയും ചെയ്യുന്ന ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നു.
പരാതി ലഭിച്ചാൽ പ്രതിക്കെതിരെ കർശന നിയമനടപടികൾ സ്വീകരിക്കുമെന്ന് പൊലീസ് അറിയിച്ചു.
English Summary
A man was beaten by a girl’s father in a cinema hall in Kanpur after allegedly harassing her during a movie screening. The incident occurred at Gurudev Palace Talkies. The girl raised an alarm, following which her father caught the accused outside and handed him over to police. Videos of the incident have gone viral.
