നാടിനെ നടുക്കിയ കൊലപാതകം; അമ്മയെ കഴുത്തറുത്ത് കൊന്ന ശേഷം മകൻ പോലീസിൽ കീഴടങ്ങി
Kannur: കൊളക്കാട് താന്നിക്കുന്നിൽ അമ്മയെ കഴുത്തറുത്ത് കൊലപ്പെടുത്തിയ കേസിൽ മകൻ പൊലീസ് സ്റ്റേഷനിൽ കീഴടങ്ങി. മഠത്തിപറമ്പിൽ തങ്കച്ചന്റെ ഭാര്യ ഗീതമ്മ (50)യാണ് കൊല്ലപ്പെട്ടത്. കേസിൽ മകൻ ക്രിസ്റ്റി (25)യെ പൊലീസ് കസ്റ്റഡിയിലെടുത്തു.
ഇന്നലെ രാത്രി പത്തരയോടെയാണ് സംഭവം നടന്നത്. വാക്കുതർക്കത്തിനൊടുവിൽ വീട്ടിലെ കിടപ്പുമുറിയിൽ വച്ചാണ് ആക്രമണം നടന്നത്. ബംഗളൂരുവിൽ ബിസിഎ പഠിച്ചിരുന്ന ക്രിസ്റ്റി പഠനം നിർത്തി നാട്ടിലെത്തിയതായും ലഹരി ഉപയോഗവുമായി ബന്ധപ്പെട്ട പ്രശ്നങ്ങൾ ഉണ്ടായിരുന്നുവെന്നുമാണ് പ്രാഥമിക വിവരം.
സംഭവസമയത്ത് പിതാവ് വീട്ടിലുണ്ടായിരുന്നില്ല. കൊലപാതകത്തിന് ശേഷം വീട്ടിൽ തന്നെ നിന്ന ക്രിസ്റ്റി പിന്നീട് സമീപവാസിയായ യുവാവിനെ വിളിച്ച് അവന്റെ സ്കൂട്ടറിൽ Kelakam Police Stationൽ എത്തി കീഴടങ്ങുകയായിരുന്നു.
പോലീസ് സ്ഥലത്തെത്തി ഗീതമ്മയെ ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല. മൃതദേഹം പോസ്റ്റ്മോർട്ടത്തിനായി പേരാവൂർ താലൂക്ക് ആശുപത്രിയിലേക്ക് മാറ്റി.
ഗീതമ്മ കേളകത്തും താന്നിക്കുന്നിലും ബ്യൂട്ടിപാർലറും ടെയ്ലറിംഗ് സ്ഥാപനവും നടത്തിവന്നിരുന്നു. മഹിളാ മോർച്ച ജില്ലാ കമ്മിറ്റി അംഗവുമായിരുന്നു.
സംഭവത്തിൽ Chandramohan, Ithihas Thaha എന്നിവരുടെ നേതൃത്വത്തിൽ അന്വേഷണം പുരോഗമിക്കുന്നു.
English Summary
In Kannur, a 25-year-old man surrendered to police after allegedly murdering his mother. The incident occurred following a dispute at home. Police have taken the accused into custody and initiated an investigation.
Kannur News, Crime News, Kerala Crime, Murder Case, Police Investigation, Family Dispute
