മെട്രോ പില്ലറിലേക്ക് ബൈക്ക് ഇടിച്ച് കയറി യുവാവിന് ദാരുണാന്ത്യം

മെട്രോ പില്ലറിലേക്ക് ബൈക്ക് ഇടിച്ച് കയറി യുവാവിന് ദാരുണാന്ത്യം

കൊച്ചി: കൊച്ചി കളമശേരിയിൽ ഉണ്ടായ ബൈക്ക് അപകടത്തിൽ യുവാവ് മരിച്ചു. മലപ്പുറം സ്വദേശിയായ മുഹമ്മദ് മുസ്തഫ (25) ആണ് മരിച്ചത്.

ഞായറാഴ്ച രാത്രി നടന്ന അപകടത്തിൽ നിയന്ത്രണം വിട്ട ബൈക്ക് മെട്രോ പില്ലറിലിടിച്ച് തകർന്നതായാണ് പൊലീസ് വ്യക്തമാക്കുന്നത്.

അമിത വേഗതയാണ് അപകടത്തിന് കാരണമെന്നാണ് പ്രാഥമിക നിഗമനം. ഇടിയുടെ ആഘാതത്തിൽ ബൈക്ക് പൂർണമായും തകർന്നു. മുഹമ്മദ് മുസ്തഫ സംഭവസ്ഥലത്തുവച്ചുതന്നെ മരിച്ചു.

അപകടത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. പൊലീസ് സ്ഥലത്തെത്തി തുടർനടപടികൾ സ്വീകരിച്ചു.

അഞ്ചലിൽ കെഎസ്ആർടിസി ബസും കാറും കൂട്ടിയിടിച്ചു

ഇതിനിടെ, കൊല്ലം അഞ്ചലിൽ കെഎസ്ആർടിസി ബസ്സും കാറും കൂട്ടിയിടിച്ച് അപകടമുണ്ടായി. അപകടത്തിൽ ഗുരുതരമായി പരിക്കേറ്റ കാർ ഡ്രൈവറെ അഞ്ചലിലെ സ്വകാര്യ ആശുപത്രിയിൽ പ്രവേശിപ്പിച്ചു.

ഇന്ന് പുലർച്ചെ ആറുമണിയോടെ അഞ്ചൽ–ആയൂർ റൂട്ടിൽ കൈപ്പിള്ള മുക്കിന് സമീപമാണ് അപകടം നടന്നത്.

കുളത്തൂപ്പുഴയിൽ നിന്ന് കൊല്ലത്തേക്ക് പോകുകയായിരുന്ന കെഎസ്ആർടിസി ബസും, അഞ്ചൽ അഗസ്ത്യക്കോട്ടേക്ക് പോകുകയായിരുന്ന കാറുമാണ് കൂട്ടിയിടിച്ചത്.

ബസിന്റെ ഡീസൽ ടാങ്കിലേക്കാണ് കാർ ഇടിച്ചുകയറിയതെന്ന് റിപ്പോർട്ടുണ്ട്.

ENGLISH SUMMARY

A 25-year-old man, Mohammed Musthafa from Malappuram, died in a bike accident at Kalamassery, Kochi, after the bike lost control and crashed into a metro pillar. Police suspect overspeeding, and CCTV footage has surfaced. In another incident, a KSRTC bus and a car collided near Kaippilla Mukku on the Anchal–Ayoor route in Kollam, seriously injuring the car driver. A 25-year-old man, Mohammed Musthafa from Malappuram, died in a bike accident at Kalamassery, Kochi, after the bike lost control and crashed into a metro pillar. Police suspect overspeeding, and CCTV footage has surfaced. In another incident, a KSRTC bus and a car collided near Kaippilla Mukku on the Anchal–Ayoor route in Kollam, seriously injuring the car driver.

kalamassery-bike-crash-metro-pillar-youth-dead-anchal-ksrtc-car-accident

Kochi, Kalamassery, bike accident, metro pillar, Mohammed Musthafa, Malappuram, CCTV, overspeeding, Kerala police, Kollam, Anchal, KSRTC, car accident, road accident, breaking news