പത്മജ ആര്ക്കുവേണ്ടി വേണമെങ്കിലും പ്രാര്ഥിച്ചുകൊണ്ട് അവിടെ ഇരുന്നോട്ടെയെന്നും തനിക്കുവേണ്ടി പ്രാര്ഥിക്കണ്ടന്നും തൃശ്ശൂര് യു.ഡി.എഫ്. സ്ഥാനാര്ഥി കെ. മുരളീധരന്. സഹോദരനുവേണ്ടി പ്രാര്ഥിക്കില്ല എന്ന സഹോദരിയും ബി.ജെ.പി. പ്രവര്ത്തകയുമായ പത്മജ വേണുഗോപാലിന്റെ പ്രസ്താവനയ്ക്കെതിരെ പ്രതികരിക്കുകയായിരുന്നു അദ്ദേഹം. പത്മജയുടെ പ്രാര്ഥന തനിക്ക് ആവശ്യമില്ലെന്നും കള്ളനാണയങ്ങളെ ദൈവത്തിന് തിരിച്ചറിയാംഎന്നും അദ്ദേഹം പറഞ്ഞു. ”പത്മജ ആര്ക്കുവേണ്ടി വേണമെങ്കിലും പ്രാര്ഥിച്ചുകൊണ്ട് അവിടെ ഇരുന്നോട്ടെ, എനിക്കുവേണ്ടി പ്രാര്ഥിക്കണ്ട. ദൈവത്തിനറിയാം കള്ളനാണയങ്ങളെ. ദൈവത്തിനെ പറ്റിക്കാനാവില്ല എന്നാണ് ദൈവവിശ്വാസിയായ എന്റെ വിശ്വാസം” – മുരളീധരന് പറഞ്ഞു. വോട്ട് ചെയ്ത് പുറത്തുവന്ന ശേഷം മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം.
‘പത്മജ എനിക്കുവേണ്ടി പ്രാര്ഥിക്കണ്ട, ആര്ക്കുവേണ്ടി വേണമെങ്കിലും പ്രാര്ഥിച്ചുകൊണ്ട് അവിടെ ഇരുന്നോട്ടെ; കള്ളനാണയങ്ങളെ ദൈവത്തിന് തിരിച്ചറിയാം’ ; കെ മുരളീധരൻ
Popular Categories
Previous article
Next article