കൊച്ചി: നടന് നിവിന് പോളിക്കെതിരായ ലൈംഗിക പീഡനക്കേസില് പ്രാഥമിക അന്വേഷണത്തില് പൊരുത്തക്കേടുകള് കണ്ടെത്തി അന്വേഷണ സംഘം. In the sexual harassment case against actor Nivin Pauly, the investigation team found inconsistencies in the preliminary investigation
തനിക്ക് പറയാനുള്ളത് മാധ്യമങ്ങളിലൂടെ പുറത്തു പറയുമെന്നാണ് നിവിൻ പോളിയുടെ പ്രതികരണം. ഇന്ന് രാത്രി 9.10ന് കൊച്ചി കലൂര് ഐഎംഎ ഹാളില് വെച്ച് മാധ്യമങ്ങളെ കാണുമെന്നാണ് അറിയിപ്പ്.
തനിക്കെതിരായ ലൈംഗികാരോപണ പരാതി വ്യാജമെന്ന് നടന് നിവിന് പോളി ന്യൂസ് 4 മീഡിയയോട് പറഞ്ഞു. ആരോപണം അടിസ്ഥാനരഹിതമാണെന്നും സത്യം തെളിയിക്കാന് ഏതറ്റം വരെ പോകുമെന്നും നടന് നിവിന് പോളി പറഞ്ഞു.
വ്യാജ പരാതി ഉന്നയിച്ചവര്ക്കെതിരെ നിയമപരമായ പോരാട്ടം തുടരുമെന്നും നിവിന് പോളിയുടെ പറയുന്നു.
നേര്യമംഗലം സ്വദേശിയായ യുവതി നാല് മാസം മുമ്പ് ഊന്നുകല് പൊലീസില് പരാതി നല്കിയിരുന്നു. എന്നാല് വിദേശത്ത് വെച്ച് തന്നെ ഒരു കൂട്ടം ആളുകള് കൂട്ടമായി മര്ദ്ദിച്ചെന്നായിരുന്നു പരാതിയില് പറഞ്ഞിരുന്നത്.
പൊലീസ് പ്രാഥമിക വിവരശഖരണം നടത്തിയെങ്കിലും അന്വേഷണവുമായി മുന്നോട്ട് പോകാന് കഴിഞ്ഞില്ല. ആശുപത്രി രേഖകള് ഹാജരാക്കാന് യുവതിക്ക് കഴിഞ്ഞില്ലെന്നാണ് പൊലീസ് പറയുന്നത്.
പിന്നീടാണ് ഇ മെയില് വഴി യുവതി പ്രത്യേക അന്വേഷണ സംഘത്തിന് പരാതി നല്കിയത്. അഭിനയിക്കാന് അവസരം വാഗ്ദാനം ചെയ്ത് പീഡിപ്പിച്ചുവെന്നാണ് യുവതിയുടെ രണ്ടാമത്തെ പരാതി. എറണാകുളം ഊന്നുകല് പൊലീസ് ജാമ്യമില്ലാ വകുപ്പുകള് പ്രകാരമാണ് കേസെടുത്തത്.
ഐപിസി 376, 354, 376 ഡി എന്നീ വകുപ്പുകളാണ് ചുമത്തിയിരിക്കുന്നത്. ബലാത്സംഗം, സ്ത്രീത്വത്തെ അപമാനിക്കല്, കൂട്ടബലാത്സംഗം എന്നീ ഗുരുതര വകുപ്പുകളാണ് ചുമത്തിയിരിക്കുന്നത്.
കഴിഞ്ഞ നവംബറില് ദുബായിലെ ഹോട്ടലില് വച്ചാണു പീഡനം നടന്നതെന്നാണ് ആരോപണം. നിവിന് പോളിയടക്കം ആറുപേരാണ് പ്രതികള്. ആറാം പ്രതിയാണ് നിവിന്. ശ്രേയ, സിനിമാ നിര്മാതാവ് എകെ സുനില്, കുട്ടന്, ബഷീര്, വിനീത് എന്നിവരാണ് മറ്റുപ്രതികള്.
