ചെന്നൈ: സംഗീത സംവിധായകന് ഇളയരാജയെ ശ്രീവില്ലിപുത്തൂർ ആണ്ടാള് ക്ഷേത്രത്തിലെ ശ്രീകോവിലില് പ്രവേശിക്കുന്നത് തടഞ്ഞ സംഭവത്തില് പ്രതികരണവുമായി ഇളയരാജ. പ്രചരിക്കുന്ന അഭ്യൂഹങ്ങള് പോലെ ഒന്നും സംഭവിച്ചിട്ടില്ലെന്നും ഒരിടത്തും ആത്മാഭിമാനം അടിയറവ് വയ്ക്കാറില്ലെന്നും ഇളയരാജ പ്രതികരിച്ചു.
സാമൂഹ്യമാധ്യമങ്ങളില് പങ്കുവെച്ച കുറിപ്പിലാണ് ഇക്കാര്യം അറിയിച്ചത്. സംഭവത്തെ അനുകൂലിച്ചും പ്രതികൂലിച്ചും ചർച്ചകള് കൊഴുത്തതോടെയാണ് ഇളയരാജ തന്നെ പ്രതികരിച്ച് രംഗത്തെത്തിയത്.
പ്രചരിക്കുന്ന വാർത്ത തെറ്റാണെന്നും ഇത്തരം കിംവദന്തികള് വിശ്വസിക്കരുതെന്നും ഇളയരാജ സമൂഹമാദ്ധ്യമത്തില് പങ്കുവച്ച കുറിപ്പില് പറഞ്ഞു. ശ്രീകോവിലില് പ്രവേശിക്കാൻ അനുവദിച്ചില്ലെന്നും ഇളയരാജയെ തിരിച്ചിറക്കിയെന്ന തരത്തിലുള്ള വാർത്തായാണ് പ്രചരിച്ചത്.
