ഐപിഎല്ലിൽ സൺറൈസേഴ്സ് ഹൈദരാബാദ് ഗുജറാത്ത് ടൈറ്റൻസും തമ്മിലുള്ള മത്സരം മഴ മൂലം ഒരു ഓവർ പോലും എറിയാൻ ആവാതെ ഉപേക്ഷിച്ചു. മത്സരം ഉപേക്ഷിച്ചുതോടെ ഇരു ടീമുകൾക്കും ഓരോ പോയിന്റ് വീതം ലഭിച്ചു. ഇതോടെ നിലവിൽ 13 മത്സരങ്ങളിൽ നിന്നും 15 പോയിന്റുമായി ഹൈദരാബാദ് പ്ലെ ഓഫിൽ എത്തി ഉറപ്പിച്ചു. കൊൽക്കത്ത നൈറ്റ് റൈഡേഴ്സ് മായുള്ള കഴിഞ്ഞ മത്സരവും ഉപേക്ഷിച്ചതോടെ ഗുജറാത്ത് നേരത്തെ തന്നെ പ്ലേഓഫിൽ നിന്ന് പുറത്തായിരുന്നു. നിലവിൽ പോയിന്റ് പട്ടികയിൽ മൂന്നാം സ്ഥാനത്താണ് ഹൈദരാബാദ്. കൊൽക്കത്ത ഒന്നാംസ്ഥാനത്തും രാജസ്ഥാൻ രണ്ടാം സ്ഥാനത്തും ചെന്നൈ നാലാം സ്ഥാനത്തുമാണ്.
നാലാം സ്ഥാനക്കാരായി ടീമായി പ്ലേഓഫില് പ്രവേശിക്കാന് ഇനി ചെന്നൈ സൂപ്പര് കിംഗ്സ്, റോയല് ചലഞ്ചേഴ്സ് ബംഗളൂരു എന്നീ ടീമുകള് തമ്മിലാവും മത്സരം. ഇരുവരും തമ്മില് ചിന്നസ്വാമി സ്റ്റേഡിയത്തില് നടക്കാനിരിക്കുന്ന മത്സരം ഇത് തീരുമാനിക്കും. മത്സരത്തിൽ . ആദ്യ ഇന്നിംഗ്സ് സ്കോര് 200 ആവുകയും ബംഗളുരു അത് 18.1 ഓവറില് പിന്തുടര്ന്ന് വിജയിക്കുകയോ 18 റൺസിന് വിജയിക്കുകയോ cനാലാമത്തെ ടീമായി പ്ളേ ഓഫിലെത്തും. ഇല്ലെങ്കിൽ ചെന്നൈ നാലാമത്തെ ടീമായി യോഗ്യത നേടും.
