ഗൂഡല്ലൂര്: കടന്നല് കുത്തേറ്റ് മലയാളി യുവാവ് മരിച്ചു. തമിഴ്നാട് നീലഗിരി ഗൂഡല്ലൂരിലാണ് സംഭവം. കോഴിക്കോട് കുറ്റ്യാടി ആയഞ്ചേരി സ്വദേശി സാബിര് ആണ് മരിച്ചത്.
സാബിറിന്റെ കൂടെയുണ്ടായിരുന്ന രണ്ട് സുഹൃത്തുകള്ക്കും കടന്നല് ആക്രമണത്തിൽ പരിക്കേറ്റിട്ടുണ്ട്. ഇവരെ മേപ്പാടിയിലെ സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണ്. പെരുന്നാള് ആഘോഷത്തിനായി ഗൂഡല്ലൂരില് എത്തിയതായിരുന്നു സാബിറും സുഹൃത്തുക്കളും.
പൂരപ്പറമ്പിൽ മദ്യപിച്ച് ലക്കുക്കെട്ട നിലയിൽ കണ്ടെത്തിയത് 15 വയസുള്ള കുട്ടികളെ; മദ്യം വാങ്ങി നൽകിയ 21 കാരൻ പിടിയിൽ
പാലക്കാട്: പ്രായപൂർത്തിയാകാത്ത കുട്ടികൾക്ക് മദ്യം വാങ്ങി നൽകിയ പ്രതി പിടിയിൽ. പാലക്കാട് കൂനത്തറ സ്വദേശി ക്രിസ്റ്റിയെയാണ് (21) പൊലീസ് അറസ്റ്റ് ചെയ്തത്. 15 വയസുള്ള രണ്ട് വിദ്യാർത്ഥികൾക്ക് ആണ് പ്രതി മദ്യം വാങ്ങി നൽകിയത്.
അളവിൽ മദ്യം കഴിച്ച കുട്ടികൾക്ക് ഗുരുതരമായ ആരോഗ്യപ്രശ്നങ്ങൾ ആണ് ഉണ്ടായത്. ക്രിസ്റ്റിക്കൊപ്പം പ്രായപൂര്ത്തിയാകാത്ത ഒരു ആണ്കുട്ടിയെയും കസ്റ്റഡിയിൽ എടുത്തിട്ടുണ്ട്. ആര്യങ്കാവ് അഞ്ചാം വേലക്കിടെയാണ് സുഹൃത്തുക്കളായ നാല് പേര് ചേര്ന്ന് മദ്യം വാങ്ങിയത്.
അറസ്റ്റിലായ ക്രിസ്റ്റിയും ഒപ്പം പിടികൂടിയ ആൺകുട്ടിയും ചേര്ന്ന് ആദ്യം മദ്യം കുടിച്ചു. തുടർന്ന് ബാക്കി വന്ന മദ്യമാണ് 15 വയസുള്ള രണ്ട് പേർക്ക് നൽകിയത്. മദ്യം കുടിച്ച് അവശരായ നിലയില് രണ്ട് കുട്ടികളെയും പൂരപ്പറമ്പിൽ കണ്ടെത്തുകയായിരുന്നു.
