അതിശക്തമായ മഴ; ഈ ജില്ലയിൽ നാളെ അവധി
തൃശൂർ: ശക്തമായ മഴ തുടരുന്ന സാഹചര്യത്തിൽ തൃശൂർ ജില്ലയില് നാളെ (ഓഗസ്റ്റ് 16) ജില്ലാ കലക്ടർ അവധി പ്രഖ്യാപിച്ചു. പ്രഫഷനൽ കോളജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ആണ് അവധി പ്രഖ്യാപിച്ചത്.
മുൻകരുതൽ നടപടിയുടെ ഭാഗമായാണ് അവധി നൽകിയത്. സിബിഎസ്ഇ, ഐസിഎസ്ഇ, കേന്ദ്രീയ വിദ്യാലയങ്ങൾ, അങ്കണവാടികൾ, മദ്രസകൾ, ട്യൂഷൻ സെന്ററുകൾ ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമാണ്.
അതേസമയം മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കില്ലെന്നും കലക്ടർ അറിയിച്ചു.
ഹുമയൂൺ ശവകുടീരത്തിന്റെ ഒരു ഭാഗം തകർന്നു; അഞ്ചു പേർക്ക് ദാരുണാന്ത്യം
ഡൽഹി: ഹുമയൂണിന്റെ ശവകുടീരത്തിന്റെ ഒരു ഭാഗം തകർന്നു വീണ് അപകടം. അഞ്ചു പേർ മരിച്ചതായാണ് റിപ്പോർട്ട്. ഹുമയൂണിന്റെ ശവകുടീരത്തിന് സമീപമുള്ള വിശ്രമമുറിയാണ് തകർന്നു വീണത്.
ഹുമയൂൺ ശവകൂടിരത്തിന് സമീപമുള്ള ദർഗ്ഗയോട് ചേർന്ന കെട്ടിടത്തിലാണ് അപകടം നടന്നത്. സംഭവ സ്ഥലത്തു നിന്ന് 11 പേരെ രക്ഷപ്പെടുത്തി വൈദ്യചികിത്സയ്ക്കായി അടുത്തുള്ള ആശുപത്രിയിൽ പ്രവേശിപ്പിച്ചതായി ഉദ്യോഗസ്ഥർ അറിയിച്ചു.
പ്രാഥമിക റിപ്പോർട്ടുകൾ പ്രകാരം ഇന്ന് ഉച്ചകഴിഞ്ഞ് ഏകദേശം 3:51 നാണ് അപകടം നടന്നത്. എൻഡിആർഎഫ് സംഘവും സ്ഥലത്ത് എത്തിയിട്ടുണ്ട്.
പതിനാറാം നൂറ്റാണ്ടിന്റെ മധ്യത്തിൽ നിർമിച്ച സ്മാരകമാണ് ഇത്. ദിവസവും നിരവധി വിനോദ സഞ്ചാരികളാണ് ഇവിടം സന്ദർശിക്കാനെത്താറുള്ളത്.
Summary: Due to heavy rains, the Thrissur District Collector has declared a holiday for all educational institutions, including professional colleges, on August 16. The holiday is part of precautionary measures amidst the ongoing downpour.
