ഇസ്രയേലിലെ തന്ത്ര പ്രധാന എയർബേസ് ആക്രമിച്ച് ഹിസ്ബുള്ള ; പുകഞ്ഞ് പശ്ചിമേഷ്യ

ഇസ്രയേലിലെ ഹൈഫ തുറമുഖത്തിന് സമീപമുള്ള റമത്ത് ഡേവിഡ് എയർബേസിൽ കനത്ത ആക്രമണം നടത്തി ഹിസ്ബുള്ള. കഴിഞ്ഞ ദിവസം ലബനനിലെ ബെയ്റൂട്ടിൽ ഇസ്രയേൽ നടത്തിയ ആക്രമണത്തിന് മറുപടിയാണ് ഇതെന്ന് ഹിസ്ബുള്ള പ്രതികരിച്ചു. സംഭവത്തിൽ ആറു പേർക്ക് പരിക്കേറ്റതായി ജെറുസലേം പോസ്റ്റ് റിപ്പോർട്ട് ചെയ്തു. Hizballah attacks key strategic airbase in Israel

ഇവരെ അഫുലയിലെ എമെക് മെഡിക്കൽ സെൻ്ററിൽ പ്രവേശിപ്പിച്ചു. ബെയ്റൂത്ത് ആക്രമണത്തിന് ശേഷം നൂറു കണക്കിന് റോക്കറ്റുകളാണ് ഹിസ്ബുള്ള ഇസ്രയേലിലേക്ക് തൊടുത്തത്. തെക്കൻ ഇസ്രായേലിൽ ഉണ്ടായ റോക്കറ്റ് ആക്രമത്തിൽ സിവിലിയന്മാർ കൊല്ലപ്പെട്ടതായും റിപ്പോർട്ട് ഉണ്ട്.

ആക്രമണം ഭയന്ന് വാഹനം അമിത വേഗത്തിൽ ഓടിച്ച് ഉണ്ടായ അപകടങ്ങളിലും ആളുകൾ കൊല്ലപ്പെട്ടതായി റിപ്പോർട്ട് ഉണ്ട്. പേജർ സ്ഫോടനത്തിനും കമാൻഡർമാർ കൊല്ലപ്പെട്ടതിനും പിന്നാലെ അപ്പർ ഗലീലിയിലും ഗോലനിലും മാത്രം ഒതുങ്ങി നിന്ന ഹിസ്ബുള്ള ആക്രമണം ഇസ്രയേലിന് ഉള്ളിലേക്കും നടന്നത് സാധാരണക്കാർക്ക് ഏറെ ഭീഷണിയായിട്ടുണ്ട്.