ലോക്സഭാ തിരഞ്ഞെടുപ്പിൻ്റെ ചൂടിലാണ് രാജ്യം. ഇന്ത്യയിലെ എല്ലാ മുക്കിലും മൂലയിലും തിരഞ്ഞെടുപ്പ് തന്നെയാണ് ചർച്ചാവിഷയം. പാർട്ടികളുടെ പ്രവർത്തന ശൈലി മുതൽ നേതാക്കളുടെ വസ്ത്രധാരണം വരെ ചർച്ചയാകാറുണ്ട്. തൻ്റെ വസ്ത്രധാരണശെെലിയെ കുറിച്ച് രാഹുൽ ഗാന്ധി പറഞ്ഞ വാക്കുകളാണ് ഇപ്പോൾ സോഷ്യൽ മീഡിയയിലെ സംസാര വിഷയം. ഒരു കാലത്ത് സ്ഥിരമായി വെള്ള കുർത്ത ആയിരുന്നു രാഹുലിന്റെ വേഷം എന്നലിപ്പോൾ വെള്ള ടീഷർട്ട് ആണ് പതിവ് വസ്ത്രം.
കോൺഗ്രസിൻ്റെ ഭാരത് ജോഡോ യാത്രയിലുടനീളം വെള്ള ടീഷർട്ട് ധരിച്ചു നടന്നുനീങ്ങിയ രാഹുലിൻ്റെ ചിത്രങ്ങൾ ഏറെ ശ്രദ്ധനേടിയിരുന്നു. അന്ന് രാഹുലിൻ്റെ അതേ വേഷം ധരിച്ചു മറ്റുള്ളവരും യാത്രയിൽ പങ്കുചേർന്നിട്ടുണ്ട്. എന്തുകൊണ്ടാണ് വെള്ള ടീഷർട്ടിനോട് രാഹുലിന് ഇത്ര പ്രിയം? അതിന് ഉത്തരം രാഹുൽ തന്നെ വെളിപ്പെടുത്തിയിരിക്കുകയാണ്. കർണാടകയിൽ തിരഞ്ഞെടുപ്പ് പ്രചാരണത്തിനിടെ രാഹുൽ ഗാന്ധിയോട് കോൺഗ്രസ് അധ്യക്ഷൻ മല്ലികാർജുൻ ഖാർഗെയും കർണാടക മുഖ്യമന്ത്രി സിദ്ധരാമയ്യയുമാണ് ആ ചോദ്യം ചോദിക്കുന്നത്.
എന്തുകൊണ്ട് എപ്പോഴും വെള്ള ടീ ഷർട്ട് ധരിക്കുന്നുവെന്നായിരുന്നു നേതാക്കളുടെ ചോദ്യം. ഇതിന് രസകരമായ മറുപടിയാണ് രാഹുൽ നൽകിയത്. ‘വെള്ള എന്നത് സുതാര്യതയും ലാളിത്യവുമാണ് സൂചിപ്പിക്കുന്നത്. പിന്നെ വസ്ത്രധാരണത്തിന്റെ കാര്യത്തിൽ ഞാൻ അത്ര ശ്രദ്ധിക്കാറില്ല. ലാളിത്യാമാണ് ഞാൻ ഇഷ്ടപ്പെടുന്നതെന്നായിരുന്നു അദ്ദേഹത്തിന്റെ മറുപടി.
Read More: കുന്നും മലയും കയറിയിറങ്ങി കുതിക്കും; സിക്കിമിലെ ആദ്യ ട്രെയിനാകാൻ വന്ദേ ഭാരത്
